// IP Marketing video - START// IP Marketing video - END

Նոր վերելակների գինը 1 բնակարանի համար 2000 դրամ կկազմի. Կփոխհատուցվի 25 տարում

Նոր վերելակների գինը 1 բնակարանի համար 2000 դրամ կկազմի. Կփոխհատուցվի 25 տարում

PanARMENIAN.Net - Երևանի քաղաքապետի տեղակալ Հայկ Սարգսյանը լրագրողների հետ հանդիպման ընթացքում հայտարարել է, որ մայրաքաղաքի գրեթե 3600 վերելակի փոխարինման համար հարկավոր է լինելու 30 մլրդ դրամ, «ինչի հնարավորությունը համայնքի բյուջեն չունի»:

Նա նշել է, որ համայնքային բյուջեի սեփական մուտքերի ամբողջ ծավալը 2019 թվականի համար կազմում է 31 մլրդ դրամ, ինչը նշանակում է, որ եթե համանքը որոշի այս ծրագիրն իրականացնել ինքնուրույն, ապա որևէ այլ ծախս չպետք է անի:

Քաղաքապետարանը մտադիր է դիմել կառավարությանը վերելակների փոխարինման ծրագիրը պետական բյուջեի աջակցությամբ, ինչպես նաև լրացուցիչ միջոցների ներգրավմամբ իրականացնելու միջոցով:

Նախատեսվում է նաև, որ բնակիչները 20-25 տարվա ընթացքում փոխհատուցելու են վերելակների նորացման համար ծախսված գումարները:

«Օրինակ միջին հաշվարկով միջին վիճակագրական բնակարանը վերելակների համար այժմ ամսական վճարում է շուրջ 1600 դրամ: Որևէ տրամաբանություն բացահայտված չէ, թե ինչու մի շենքի մի մուտքում նույնատիպ վերելակի սպասարկման ծառայությունը քաղաքացու համար արժե 1000 դրամ, մեկ այլ շենքում նույն հարկայնության դեպքում արժե 4000: Այս սպասարկման վճարները իրականացվում են համատիրությունների կողմից հավաքագրմամբ, ուստի տրամաբանությունը շատ դժվար է հիմնավորել: Այդ նպատակով դիտարկել ենք միջինացված հաշվարկ: Եվ այսօրվա այդ միջինացված 1600 դրամը կարող է ավելանալ ոչ ավելի, քան 20-30%-ով»,- նոր վերելակների համար ամսական վճարի հնարավոր չափը նշեց Հայկ Սարգսյանը:

Երևանում գործող վերելակների գրեթե 70%-ը շահագործվում են ավելի քան 40 տարի, մինչդեռ դրանց շահագործման ժամկետը 25 տարի է:

 Ուշագրավ
Ավելի վաղ հաջողվել էր հանգցնել Ծիծեռնակաբերդի անտառում բռնկված հրդեհը
Ուղղաթիռից ճանապարհի երթևեկությանն էին հետևում ՃՈ պետ Եգոր Կարապետյանն ու նրա տեղակալ Նորիկ Սարգսյանը
Նա հավելել է, որ հարցը հանրային քննարկման փուլում է
Ըստ ՀՀ ոստիկանության հրապարակած տվյալների՝ հունիսին հանրապետությունում ՃՏՊ-երի հետևանքով զոհվել է 31 հոգի, որոնցից մեկը մայիսին տեղի ունեցած պատահարի հետևանքով: