// IP Marketing video - START// IP Marketing video - END

«Գահերի խաղի» հեղինակները կնկարահանեն «Աստղային պատերազմների» նոր էպիզոդը

«Գահերի խաղի» հեղինակները կնկարահանեն «Աստղային պատերազմների» նոր էպիզոդը

PanARMENIAN.Net - «Գահերի խաղը» սերիալի հեղինակներ Դևիդ Բենիոֆն ու Դենիել Բրետ Ուայսը կնկարահանեն «Աստղային պատերազմների» նոր էպիզոդը, որը, ենթադրաբար, էկրան կբարձրանա 2022-ի դեկտեմբերին: Այդ մասին հայտնում է Variety-ն Walt Disney ընկերության տնօրենի վրա հղումով:

«Մենք պայմանագիր ենք կնքել Դևիդ Բենիոֆի և Դեն Ուայսի հետ, որոնք հայտնի են «Գահերի խաղով», և հաջորդ ֆիլմը, որ թողարկելու ենք, իրենցն է լինելու»,-ասել է ընկերության ղեկավարը:

Նա նաև կարծում է, որ 3 տարին բավարար կլինի, որպեսզի Բենիոֆն ու Ուայսը հասցնեն հանգստանալ և նոր ֆիլմ ցուցադրել, որի անվանումը դեռ գաղտնի է պահվում, գրում է Lenta.ru-ն:

Ֆիլմեր և սերիալներ նկարահանող Netflix կամ Amazon.com հոսքային մուլտիմեդիայի հետ մրցակցելու համար Disney ընկերությունը կթողարկի Disney Plus հոսքային ծառայությունը: Ըստ ընկերության ղեկավար Բոբ Այգերի, 2019-ից սկսած Disney-ի ֆիլմերը կցուցադրի արդեն ոչ թե Netflix-ը, այլ սեփական ծառայությունը, որը հասանելի կլինի բաժանորդագրությամբ:

 Ուշագրավ
Ընդհանուր առմամբ 19 մարդ է տուժել, որից 4 վիճակը գնահատվում է ծանր
Պատճառը, ինչպես հայտարարել է կառավարությունը, հարձակումներն են մահմեդականների վրա