 Սեմերիկով. ՀԱՊԿ նոր գլխավոր քարտուղարը պաշտոնը կստանձնի 2020-ի հունվարի 1-ից 16 մայիսի 2019 - 17:30 AMT PanARMENIAN.Net - Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի պաշտոնը 2020թ. հունվարի 1-ից կստանձնի Բելառուսի ներկայացուցիչը: Դա կարող է լինել Բելառուսի Անվտանգության խորհրդի պետքարտուղար Ստանիսլավ Զասը: Այդ մասին հայտարարել է ՀԱՊԿ գլխավոր քարտուղարի պաշտոնակատար Վալերի Սեմերիկովը: Նա հավելել է, որ 2020-ի հունվարի 1-ից «ՀԱՊԿ գլխավոր քարտուղարի պաշտոնը զբաղեցնելու հերթն անցնում է Բելառուսին»: Նոր գլխավոր քարտուղարի մասին հարցը քննարկվելու է ՀԱՊԿ Մշտական խորհրդի մայիսի 17-ին կայանալիք արտահերթ նիստում: Ըստ Սեմերիկովի, Զասը միակ առաջադրված թեկնածուն է, հայտնում է ՌԲԿ-ն: Վերջնական որոշումը կկայացվի մայիսի 22-ին ՀԱՊԿ անդամ երկրների ԱԳ նախարարների Խորհրդի նիստում: Ինչպես պարզաբանել է Սեմերիկովը, ԱԳՆ ղեկավարները միայն խորհուրդ են տալիս պետությունների ղեկավարներին այս կամ այն պաշտոնյայի թեկնածությունը: 2018-ի նոյեմբերին ՀՀ-ն հետ կանչեց ՀԱՊԿ գլխավոր քարտուղարի պաշտոնից Յուրի Խաչատուրովին, որն անցնում է Մարտի 1-ի գործով:Հայաստանը, որը պետք է պաշտոնավարեր 3 տարի, կորցրեց այդ պաշտոնը: Խաչատուրվը ստանձնել էր այդ պաշտոնը 2017-ին և պետք է պաշտոնավարեր մինչև 2020թ.: Հետո հայտնի դարձավ, որ Բելառուսի նախագահ Ալեքսանդր Լուկաշենկոն ստորագրել է Ստանիսլավ Զասին ՀԱՊԿ գլխավոր քարտուղարի պաշտոնում նշանակելու մասին Հավաքական անվտանգության խորհրդի որոշման նախագիծը:Զասը տեղեկացրել է նախագահին ՀԱՊԿ անդամ պետությունների ղեկավարների հետ իր հանդիպումների մասին: Նա արդեն այցելել է Ղազախստան, Ղրղզստան, Տաջիկստան և Ռուսաստան, որոնց ղեկավարները հավանություն են տվել Զասի թեկնածությանը: Զասը հայտարարել էր, որ ՀՀ վարչապետ Նիկոլ Փաշինյանը դեռևս չի արձագանքել իր հետ հանդիպելու առաջարկին: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
