Զեյնալյան. Վեթինգն իրականացվելու է առանց խտրականության21 մայիսի 2019 - 16:42 AMT PanARMENIAN.Net - Հայաստանում վեթինգն իրականացվելու է առանց խտրականության, որևէ դատավոր չի թիրախավորվի: Այդ մասին լրագրողների հետ ճեպազրույցում հայտարարել է արդարադատության նախարար Արտակ Զեյնալյանն՝ անդրադառնալով վարչապետ Նիկոլ Փաշինյանի հայտարարությանը։ Մայիսի 20-ին Նիկոլ Փաշինյանը բարձրաստիճան պաշտոնատար անձանց հետ հանդիպման ժամանակ հայտարարել էր.«Հայաստանում գործող բոլոր դատավորները պետք է ենթարկվեն, այսպես ասած, «Vetting»-ի: Այսինքն՝ հանրությունը պետք է ամբողջական տեղեկատվություն ունենա դատավորի ունեցած քաղաքական կապերի ու ծագումնաբանության, գույքային վիճակի, դատավորի կարգավիճակում և նախորդ շրջանում ծավալած գործունեության, անհատական և պրոֆեսիոնալ հատկանիշների մասին»: «Վեթինգ իրականացվելու է բոլոր դատավորների համար և խտրականության արգելքի սկզբունքը պահպանվելու է բոլոր դատավորների նկատմամբ։ Այն չի թիրախավորելու որևէ դատավորի և չի հետապնդելու կոնկրետ գործով որևէ դատավորի», - դատավորների համար նախատեսվող նոր ինստիտուտի բովանդակությունն է ներկայացրել Զեյնալյանը, հայտնում է Aysor.am-ը։ Զեյնալյանը նկատել է, որ Հայաստանում ներդրվող վեթինգի ինստիտուտը առաջինը չէ աշխարհում և այս պահին նման ինստիտուտ գործում է Ալբանիայում՝ եվրոպական կառույցների հորդորով։ Ամենայն հավանականությամբ, հենց ալբանական փորձն էլ կիրառվելու է Հայաստանում։ Ալբանիայում գործող վեթինգի ինստիտուտն, ըստ նախարարի, ողջունել է Վենետիկի հանձնաժողովը։ Նախարարը պնդել է, որ վեթինգի ինստիտուտի ներդրման անհրաժեշտություն կա և ներկայումս գործող, դատավորների թափանցիկ գործունեությունը խրախուսող հայտարարագրման, կարգապահական վարույթի ինստիտուտները բավարար չէին։ Դիտարկմանը, թե կա մտավախություն, որ ցանկացած նոր իշխանություն կարող է վեթինգի ենթարկել նախորդ իշխանության նշանակած դատավորներին, Զեյնալյանն արձագանքել է. «Սա նախորդ իշխանության նշանակած դատավորների դեմ ուղղված քայլ չէ։ Ամեն ինչ կանենք, որ այդ մտավախությունը փարատվի մեր կողմից ներկայացվող օրենքներով»,-ասել է նա։ Նա հորդորել է չկապել անցումային արդարադատությունը վեթինգի ներդրվող ինստիտուտի հետ՝ ընդգծելով, որ դրանք տարբեր հասկացություններ են։ «Անցումային արդարադատությունը պետք է կոչված լինի հաշտեցմանը։ Սա հետապնդման, վրեժի գործիք չէ։ Անցումային արդարադատությունը չի կարելի ընկալվել որպես վրեժի գործիք», - ավելացրեց Զեյնալյանը։ Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ Թունյան․ ԵԱՏՄ անդամ ենք, զուգահեռ ԵՄ և այլ շուկաների ինտեգրման ուղղությամբ ենք աշխատում «Այս պահին ինչ-որ առարկայական, կտրուկ գործողության մասին խոսք չկա»,- ասել է Թունյանը |