Երևանում շոկոլադի հերթական փառատոնը կանցկացվի՝ Choco Fest

Երևանում  շոկոլադի հերթական փառատոնը կանցկացվի՝ Choco Fest

PanARMENIAN.Net - Հուլիսի 11-ին ամբողջ աշխարհը նշում է Շոկոլադի համաշխարհային օրը: Այդ կապակցությամբ երևանյան The LOFT զարգացման կենտրոնը արդեն 4-րդ տարին անընդմեջ Choco Fest փառատոն-էքսպո է կազմակերպում շոկոլադի սիրահարների համար:

Ինչպես PanARMENIAN.Net -ին են հայտնել միջոցառման կազմակերպիչները, փառատոնին կմասնակցի շոկոլադ արտադրող 3 հայաստանյան ընկերություն, ինչպես նաև շոկոլադից հրուշակեղեն պատրաստող մի ընկերություն:

Փառատոնի շրջանակում կլինի համտես և շոկոլադի օրիգինալ տեսակների վաճառք, շոկոլադի պատրաստման վարպետության դաս, ինչպես նաև ֆիլմի ցուցադրություն:

Փառատոնը հնարավորություն է տալիս հայկական ընկերություններին ներկայացնել իրենց արտադրած շոկոլադի տեսականին լայն հանրությանը, ավելացնել սպառողների քանակը, գովազդել ընկերությունն ու ծանոթանալ մրցակիցների հետ:

Միջոցառման մեկնարկը 20:00-ին:

Շոկոլադի օրն առաջին անգամ անցկացրել են ֆրանսիացիները 1995-ին: Կարծիք կա, որ առաջինը շոկոլադ պատրաստել են ացտեկները՝ այն «աստվածների ըմպելիք» էր համարվում: Իսպանացի կոնկիստադորները, որոնք առաջին անգամ այն Եվրոպա հասցրեցին, քաղցրավենիքը «սև ոսկի» էին համարում և օգտագործում էին ֆիզիկական ուժերի և դիմացկունության ամրապնդման համար: Ավելի ուշ շոկոլադը Եվրոպայում տարածված էր միայն ազնվական շրջանակներում: Հայտնի կանայք այն աֆրոդիզիակ էին համարում: Եվ միայն 20-րդ դարում, երբ սկսվեց շոկոլադի արդյունաբերական արատդրություն, այն սկսեցին ճաշակել նաև հասարակ մարդիկ:

 Ուշագրավ
Երաժիշտը նշել է, որ իր արվեստը իրանցի, ամերիկացի և հայ ժողովուրդների համար է
«Իռլանդացին» ֆիլմն առաջադրված է «Օսկարի» 10 անվանակարգում, այդ թվում՝ «Լավագույն ֆիլմ» և «Լավագույն ռեժիսոր»
2003-ին Լինսի հիմնադրամի միջոցներով Հանրապետության հրապարակի վերանորոգման ժամանակ պարզվեց, որ դրա ամբողջ տարածքում 17-րդ դարի շինություններ են
Նա առաջադրվել է «Իռլանդացին» ֆիլմի համար