Նախկին զինդատախազ Գագիկ Ջհանգիրյանն արդարացվել է Մարտի 1-ի գործով

Նախկին զինդատախազ Գագիկ Ջհանգիրյանն արդարացվել է Մարտի 1-ի գործով

PanARMENIAN.Net - Վճռաբեկ դատարանի որոշմամբ՝ ՀՀ նախկին զինդատախազ Գագիկ Ջհանգիրյանն արդարացվել է։ Դատարանը բեկանել է Ջհանգիրյանի վերաբերյալ դատավճիռը և ճանաչել անմեղությունը՝ հանցակազմի բացակայության հիմքով կարճելով քրեական գործի վարույթը։ Այս մասին հաղորդել է armtimes.com-ը:

Նախկին զինդատախազը Վճռաբեկ դատարան էր դիմել իր վերաբերյալ 2009 թվականի դատավճիռը բեկանելու և անմեղ ճանաչելու:

Գագիկ Ջհանգիրյանը ձերբակալվել էր 2008 թվականի փետրվարի 23-ի ընդդիմության հանրահավաքից հետո։ Նա մեղադրվում էր իշխանության ներկայացուցչի նկատմամբ բռնություն գործադրելու մեջ և դատապարտվել էր 3 տարվա ազատազրկման։ Նախկին զինդատախազն այս դատավճիռը բողոքարկել էր Վերաքննիչ դատարան, սակայն 2009 թվականի մայիսին դատարանը անփոփոխ էր թողել այն։

Գագիկ Ջհանգիրյանն ազատ էր արձակվել 2009-ի հունիսն՝ համաներման հիմքով։

 Ուշագրավ
Նա նշել է, որ ՌԴ-ն ՀՀ-ին դիտարկում է որպես դաշնակից և հարձակման ժամանակ կգործարկվեն ՀԱՊԿ-ով նախատեսված մեխանիզմները
ԱԺ աշխատակազմի ղեկավարի նախկին տեղակալ Արսեն Բաբայանիհեռախոսազանգերի արգելքի մասին հարցը հատուկ քննչական ծառայությունում չեն մեկնաբանում:
Մնացականյանը շնորհակալություն է հայտնել ԱՄՆ Ներկայացուցիչների պալատին՝ Հայոց ցեղասպանությունը ճանաչող բանաձևն ընդունելու համար