Մայր Աթոռ. Եկեղեցու և պետության ջանքերը կարևոր են ընտանեկան արժեքների պահպանման գործում

Մայր Աթոռ. Եկեղեցու և պետության ջանքերը կարևոր են ընտանեկան արժեքների պահպանման գործում

PanARMENIAN.Net - Քրիստոնեական ընտանիքի մոդելի պահպանումը ու տարածումը և ընտանիքի նկատմամբ հոգևոր խնամատարության իրագործումը առանցքային կարևորություն ունի Եկեղեցու առաքելության մեջ: Այս մասին ֆեյսբուքյան էջում գրել է Մայր Աթոռի տեղեկատվական համակարգի ղեկավար Տեր Վահրամ քահանա Մելիքյանը՝ անդրադառնալով հոկտեմբերի 9-ից 10-ը Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ և բարձր հովանավորությամբ, տեղի ունեցած «Եկեղեցին և ընտանիքը 21-րդ դարում. արժեքներ և մարտահրավերներ» խորագրով միաջազգային համաժողվին:

Համաժողվը կայացել է «Ամուր ընտանիք՝ հզոր հայրենիք» կարգախոսի ներքո` նպատակ ունենալով բանախոսությունների և քննարկումների միջոցով ևս մեկ անգամ ընդգծելու արդի հասարակության մեջ ընտանիքի և ամուսնության քրիստոնեական ընկալման կարևորությունը:

«Համաժողովը 21-րդ դարի պահանջների ու մարտահրավերների հաշվառմամբ անդրադարձավ ընտանիքի և քրիստոնեական արժեքների վերաբերյալ հասարակական լայն ընկալումներին ու դրանց խորքային խնդիրներին` խնդրո առարկա նյութերը ամփոփելով թեմատիկ հետևյալ բաժանումներում` «Քրիստոնեական ընտանիք և ժամանակակից մարտահրավերներ», «Եկեղեցու և պետության դերը քրիստոնեական ընտանիքի պահպանության և զորացման մեջ»,- նշել է Տեր Վահրամ քահանա Մելիքյանը:

Միջազգային համաժողովի մասնակիցները կարևորել են և ընդհանրացումներ արել ընտանեկան արժեքների պահպանմանն ու հասարակության հոգևոր դաստիարակությանն ուղղված եկեղեցու և պետության ջանքերի մասին, անդրադարձել ժամանակակից աշխարհում ընթացող գլոբալացման գործընթացների ստեղծած մարտահրավերներին՝ «ընդդեմ ժողովուրդների արժեհամակարգերին» և նշել, որ ընտանիքը, որպես սոցիալական ինստիտուտ կոչված է մարդկային սերնդի բնականոն աճի ու կատարելագործման համար:

 Ուշագրավ
«Կարծում եմ՝ ազնվությունը թույլ կտա, որ Արթուր Դավթյանը չհերքի «սուպեր» հեռախոսակապով տեղի ունեցած խոսակցությունը»,-ասվում է գրառման մեջ
Բաբայանը ձերբակալվել է ԱԺ պատգամավոր Արման Բաբաջանյանի հաղորդման հիման վրա
«Նուբարաշեն»-ում պահվում է 367 անձ, «Արմավիր» ՔԿՀ-ում՝ 708-ը