  Զախարովա. Փոխադարձ այցերին մասնակցել են ՀՀ, ԼՂ և Ադրբեջանի լրագրողները 29 նոյեմբերի 2019 - 12:47 AMT PanARMENIAN.Net - Ռուսաստանը ողջունում է Հայաստանի և Ադրբեջանի լրագրողների փոխադարձ այցերը, ինչպես նաև այլ հումանիտար ակցիաներն, որոնք ուղղված են ղարաբաղյան հակամարտության կարգավորման շրջանակում բնակչությանը խաղաղության նախապատրաստելուն: Այդ մասին հայտարարել է ՌԴ ԱԳՆ Տեղեկատվության և մամուլի դեպարտամենտի տնօրեն Մարիա Զախարովան: ՌԴ ԱԳՆ պաշտոնական ներկայացուցիչն ասել է. «Այցերը կայացել են նոյեմբերի 17-21-ը, մասնակցել են լրագրողներ Ադրբեջանից, Հայաստանից և Լեռնային Ղարաբաղից», հայտնում է ՏԱՍՍ-ը: «Այցերն իրականացվել են ԵԱՀԿ գործող նախագահի անձնական ներկայացուցչի աջակցությամբ: Մենք այդ համատեղ այցերը դիտարկում ենք որպես հայերի և ադրբեջանցիների միջև շփումներ հաստատելու մտադրությունների վկայություն: Կարծում ենք, որ նման հումանիտար ակցիաները, որոնք ուղղված են բնակչությանը խաղաղությանը նախապատրաստելուն, պետք է շարունակական լինեն, և մենք, անկասկած, կսատարենք դրանց»,-հավելել է Զախարովան: Որպես հնարավոր այլ ուղղություն Զախարովան նշել է «կողմերի տարածքում կալանքի տակ գտնվող անձանց ճակատագրերի թեթևացումը»: Ըստ նրա, ՌԴ-ն «կշարունակի անհրաժեշտ միջնորդական աջակցություն ցուցաբերել կողմերին ղարաբաղյան հակամարտության կարգավորման գործում»: 2019-ի ապրիլին ՀՀ և Ադրբեջանի ԱԳՆ ղեկավարները, ՌԴ ԱԳ նախարար Սերգեյ Լավրովի նախաձեռնությամբ, պայմանավորվել են գործնական աշխատանք սկսել մի շարք հումանիտար հարցերում, ներառյալ ԶԼՄ-ների ներկայացուցիչների փոխայցելությունները:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
