Նախագիծ. Շրջիկ առևտրի կետերը 50,000 դրամ տուրք կվճարեն 4 դեկտեմբերի 2019 - 13:54 AMT PanARMENIAN.Net - Երևանում գործող շրջիկ առևտրի կետերի համար նախատեսվում է 50,000 դրամ տուրք սահմանել: ԱԺ-ում «Առևտրի և ծառայությունների մասին» ՀՀ օրենքում փոփոխություն և լրացումներ կատարելու մասին օրենքի նախագծի առաջին ընթերցմամբ ընդունելու հարցի քննարկման ժամանակ ասել է «Իմ քայլը» խմբակցության պատգամավոր Սիսակ Գաբրիելյանը: Օրենքի փոփոխությամբ նախատեսվում է, որ Երևան քաղաքի տարածքում շրջիկ առևտրի կետերի միջոցով վաճառք իրականացնելու իրավունք ունենալու են միայն իրավաբանական անձինք, նրանց այդ իրավունքը տալու է Երևանի քաղաքապետը, կարգն ու պայմանները տալու է Երևանի ավագանին։ «Այս պահին «Առևտրի և ծառայությունների մասին» ՀՀ օրենքում միայն կա ձևակերպում, թե ինչ է շրջիկ առևտրի կետը, բայց չկա, թե հատկապես ով է կարգավորելու այդ առևտրի կետերի հետ կապված մի շարք իրավահարաբերություններ, մասնավորապես՝ ինչ կարող են նրանք վաճարել, որտեղ և որ ժամերին կարող են այդ առևտրի կենտրոնները գործել»,- նշել է «Իմ քայլը» խմբակցության պատգամավոր Սիսակ Գաբրիելյանը։ Գաբրիելյանի խոսքով, օրենքի նախագծով առաջարկվում է առևտրի կենտրոնների աշխատանքները համակարգելու լիազորությունները տալ Երևանի ավագանուն։ «Երևանի ավագանին կարողանալու է հաստատել Երևան քաղաքում այն հիմնական վայրերը, որտեղ կարելի է իրականացնել շրջիկ առևտուր և որ ժամերին։ Այս պահին տարբեր ձևափոխված մեքենաներ, այդ թվում նաև Հանրապետության հրապարակին հարակից տարածքներում վաճառում են ամենատարբեր տեսակի ապրանքներ, երբեմն նաև սանիտարական պայմանների կոպտագույն խախտմամբ»,- նշել է Գաբրիելյանը։ Պատգամավորի խոսքով՝ նախագիծն ուղարկել է նաև Երևանի ավագանու ընդդիմադիր խմբակցություններին, բայց այս պահին դեռ նրանց կողմից առաջարկներ չի ստացել:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
