ԱԳՆ խոսնակ. Արցախը երբեք չի եղել երկհամայնքային միավոր![]() 13 դեկտեմբերի 2019 - 17:52 AMT PanARMENIAN.Net - Արցախը երբեք չի եղել երկհամայնքային միավոր: Այդ մասին հայտարարել է ՀՀ ԱԳՆ մամուլի խոսնակ Աննա Նաղդալյանը՝ նշելով, որ վերջին շրջանում Ադրբեջանի քաղաքական տարբեր շրջանակների կողմից կան տարբեր կողմնակալ հայտարարություններ, որոնք խոսում են այդ երկրում տեղի ունեցող ներքաղաքական վերադասավորումների մասին, հայտնում է Shantnews.am-ը: «Լեռնային Ղարաբաղը երբևէ չի եղել երկհամայնքային միավոր, անգամ խորհրդային տարիներին եղել է հայկական տարածք, հայերը այնտեղ եղել են բացարձակ մեծամասնություն»,- ասել է Աննա Նաղդալյանը` նշելով, որ միջհամայնքային հարցերի քննարկումն արհեստածին է: Ադրբեջանի արտգործնախարար Էլմար Մամեդյարովը ադրբեջանական հեռուստատեսությանը տված հարցազրույցում հայտարարել էր, որ բանակցությունների ընթացքում հայկական կողմում հայտնվել են տարբեր փաստաթղթեր, որոնցից վերջինը «Լավրովի պլանն» էր:Մամեդյարովը հարցազրույցում ասել է. «Լավրովի պլանը» դա մոտ 2 տարի առաջ Մոսկվայում տեղի ունեցած սերտ բանակցությունների արդյունք է, բայց միևնույն է այն հիմնված է Մադրիդյան սկզբունքների վրա: Կա ԵԱՀԿ ՄԽ համանախագահների 2019-ի մարտի 9-ի հայտարարությունը, որտեղ ներկայացված է միջնորդների տեսլականը բանակցություններում առաջ շարժվելու վերաբերյալ: Էությունը շատ պարզ է՝ փուլայնություն: Առաջին փուլում դուրս են բերվում զորքերը, ադրբեջանական բնակչությունը վերադառնում է, դրան հաջորդում է անվտանգության ապահովումն ու կոմունիկացիաների կարգավորումը: Ուստի մեր առաջարկը հայկական կողմին կարելի է բնութագրել որպես «խաղաղություն բարգավաճման հեռանկարով»,-ասել է ադրբեջանցի նախարարը: Ընթերցեք նաև. ԱԳՆ. Ներկա փուլում բանակցային սեղանին որևէ փաստաթուղթ չկա ![]() ![]() Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս ![]() ![]() ![]() | ![]() ![]() ![]() ![]() ![]() ![]() ![]() ![]() |