30 հունվարի 2020 - 17:23 AMT
Մնացականյան-Մամեդյարով հանդիպումն ավարտվել է

Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումն ավարտվել է, ֆեյսբուքյան իր էջում գրել է ԱԳՆ խոսնակ Աննա Նաղդալյանը:

Հանդիպումը մեկնարկել էր Ժնևում հունվարի 29-ին՝ այդ օրը տևել էր 7-8 ժամ, ու շարունակվել ամսի 30-ին:

Հանդիպումն անցել է ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ) և ԵԱՀԿ գործող նախագահի անձնական ներկայացուցիչ Անջեյ Կասպրշիկի միջնորդությամբ և մասնակցությամբ:

Ըստ սահմանված կարգի՝ մանրամասները կհրապարակվեն ավելի ուշ:

Ավելի վաղ հայտարարվել էր, որ հանդիպմանն անդրադարձ է կատարվում ԼՂ խաղաղ կարգավորման գործընթացին առնչվող հարցերի լայն շրջանակի, և հանդիպման արդյունքներով կհրապարակվի մամուլի հաղորդագրություն: