Չինաստանում կորոնավիրուսով նոր հիվանդների թիվը 24 ժամում քառակի կրճատվել է

Չինաստանում կորոնավիրուսով նոր հիվանդների թիվը 24 ժամում քառակի կրճատվել է

PanARMENIAN.Net - Չինաստանում կորոնավիրուսով նոր հիվանդների թիվը 24 ժամում քառակի կրճատվել է: Երկրի առողջապահության ազգային հանձնաժողովը բացատրում է վարակների հայտնաբերված դեպքերի կրճատումն ախտորոշման մեթոդի փոփոխությամբ, գրում է Deutsche Welle-ն:

Միաժամանակ, վերջին 24 ժամում վարակի 394 նոր դեպք է գրանցվել, հայտնել է Չինաստանի առողջապահության ազգային հանձնաժողովը: Այդ ընթացքում երկրում ևս 114 մարդ է մահացել թոքաբորբից, որի հարուցիչը նոր վիրուսն է:

Փետրվարի 19-ին իշխանությունները հայտնել են 1749 նոր հիվանդի մասին: Անկումը պայմանավորված է վարակի ախտորոշման մեթոդի փոփոխմամբ: Չինաստանում, ընդհանուր առմամբ, վիրուսը հայտնաբերվել է 74,576 մարդու մոտ:

Չինաստանից դուրս կորոնավիրուսով հիվանդներ են ի հայտ եկել աշխարհի 25 երկրում: Իրանն ԱՄԷ-ից հետո Մերձավոր Արևելքի 2-րդ երկիրն է, որտեղ կորոնավիրուսի հաստատված դեպք է գրանցվել։

 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
«Ես նույնպես վախենում եմ, բայց ոչ թե խանութ, այլ աշխատանքի գնալուց»,- ասել է նա