ԱՆ. ՀՀ-ում կորոնավիրուսից 72-ամյա հիվանդ է մահացել

ԱՆ. ՀՀ-ում կորոնավիրուսից 72-ամյա հիվանդ է մահացել

PanARMENIAN.Net - «Նորք» ինֆեկցիոն կլինիկական հիվանդանոցում կորոնավիրուսով վարակված 72-ամյա պացիենտ է մահացել, հայտնում է ՀՀ առողջապահության նախարարի մամուլի քարտուղար Ալինա Նիկողոսյանը:

«72-ամյա պացիենտն ունեցել է կորոնավիրուսային հիվանդություն, ինչպես նաև երկկողմանի թոքաբորբ, պոլիօրգանային անբավարարություն, ռեսպիրատոր դիսթրես համախտանիշ, հիպերտոնիկ հիվանդություն և սրտի ռիթմի խանգարում։ Ցավոք, ուղեկցող հիվանդությունների պատճառով հնարավոր չի եղել փրկել վերջինիս կյանքը»,- գրել է նա։

Նիկողոսյանի խոսքով՝ պացիենտը մարտի 25-ից գտնվել է վերակենդանացման բաժանմունքում և վիճակը ծայրահեղ ծանր էր։

ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 25-ից երկրում 7 օրով գործում է քաղաքացիների տեղաշարժի սահմանափակում: Հայաստանում մարտի 26-ի առավոտվա դրությամբ կորոնավիրուսով վարակի դեպքերի թիվը հասել է 290-ի` նախորդ օրվա համեմատ ավելանալով 25-ով: Ապաքինվել է 18 անձ, փաստացի բուժվում է 272-ը։

Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով:

Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից

 Ուշագրավ
Նա խոստացել է ներդրում կատարել առաջարկ-լուծման հաջող տարբերակի պարագայում
Երեխաների պարագայում քանակի սահմանափակում չի նախատեսվում