Հրվ. Կորեայում կորոնավիրուսով վարակի նոր դեպք չի գրանցվել![]() 30 ապրիլի 2020 - 16:22 AMT PanARMENIAN.Net - Կորոնավիրուսի համավարակի բռնկումից ի վեր առաջին անգամ Հարավային Կորեայում կորոնավիրուսով վարակի նոր դեպք երկրի ներսում չի գրանցվել։ Հայտնաբերված 4 նոր դեպքը բերովի են և ի հայտ են եկել արդեն կարանտինում գտնվող մարդկանց մոտ։ Վարակվածների ընդհանուր թիվը երկրում հասել է 10,765-ի։ Ապաքինվել է 9059 մարդ, մահացել՝ 247, հայտնել է Առողջապահության նախարարությանը կից Հիվանդությունների կանխարգելման և վերահսկման կենտրոնը, գրում է ՌԻԱ Նովոստին։ Արդեն մոտ մեկ շաբաթ է՝ Հարավային Կորեայում օրական մոտ 10 նոր դեպք էր գրանցվում։ Ապրիլի 24-ին այդ ցուցանիշը նվազել էր մինչև 6-ը։ Նոր դեպքերի նվազման հետ կապված իշխանությունները մինչև մայիսի 5-ը երկարացրել են սոցիալական հեռավորության պահպանման ռեժիմի մեղմ տարբերակը։ Բացվել են զբոսայգիները, թույլատրվել է սպորտային, կրոնական, զվարճանքի հաստատությունների սահմանափակ գործունեությունը։ Քաղաքացիներին շարունակում են հորդորել հեռու մնալ մարդկային կուտակումներից և պահպանել կանխարգելման բոլոր կանոնները։ Աշխարհում կորոնավիրուսով վարակվածների թիվը, ըստ Ջոնս Հոփքինսի համալսարանի, մոտ 3․2 մլն է, մահացել է ավելի քան 227,000 մարդ, ապաքինվել՝ ավելի քան 1 մլն։ ![]() ![]() Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ ![]() ![]() ![]() | ![]() ![]() ![]() ![]() ![]() ![]() ![]() ![]() |