Վրաստանը ՀՀ-ին տեղական արտադրության 4000 դիմակ է նվիրել

Վրաստանը ՀՀ-ին տեղական արտադրության 4000 դիմակ է նվիրել

PanARMENIAN.Net - Վրաստանը ՀՀ-ին տեղական արտադրության 4000 բարձրորակ բժշկական դիմակ է նվիրել։ Այդ մասին հայտարարել է Վրաստանի Գործընկերային հիմնադրամի մամուլի ծառայությունը։

Հայաստան ուղարկված դիմակները New Technologie Impex ընկերության արտադրանքի առաջին խմբաքանակներից են։ Ընկերությունը բացվել է հիմնադրամի աջակցությամբ։

Ինչպես ասել են կազմակերպությունում, «ի նշան բազմամյա բարեկամության և գործակցության» Վրաստանի դեսպանի միջոցով դիմակներն ուղարկվել են ՀՀ նախագահին և առողջապահության նախարարին, ինչպե նաև գործարար և կառավարական շրջանակների ներկայացուցիչներին, գրում է «Նովոստի Գրուզիան»։

Հայկական կողմը շնորհակալություն է հայտնել օգնության համար, դիմակները բաժանվել են բուժանձնակազմին։

New Technologie Impex ընկերությունում դիմակները պատրաստվում են եվրոպական տեխնոլոգիաներով։ Լրիվ հզորությամբ աշխատելու դեպքում ձեռնարկությունը կարող է ամսական 12 մլն դիմակ արտադրել։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---