Վարչապետի խոսնակ․ Իրավապահները զբաղվում են ՀՀ քաղաքացիների տվյալների արտահոսքով
Իրավապահ մարմինները զբաղվում են կորոնավիրուսով վարակված ՀՀ քաղաքացիների տվյալների արտահոսքով։ Այդ մասին ֆեյսբուքյան իր էջում տեղեկացրել է վարչապետի մամուլի խոսնակ Մանե Գևորգյանը։
«Իրավապահ մարմինները զբաղվում են տվյալների արտահոսքի մասին տեղեկության արժանահավատությունը ստուգելու, տարածման հնարավոր աղբյուրը պարզելու հարցով:
Նորությունների դեպքում կտարածենք համապատասխան հաղորդագրություն»,-ասվում է գրառման մեջ:
Ավելի վաղ հայտնի դարձավ, որ Ադրբեջանը հայաստանցի մոտ 3500 Covid-19-ով հիվանդի/կոնտակտավորի տվյալներ է հանրայնացրել։ Այդ մասին ֆեյսբուքյան իր էջում տեղեկացրել է մեդիափորձագետ Սամվել Մարտիրոսյանը։
