Դատախազությունը Քոչարյանին գրավի դիմաց ազատելու որոշման դեմ բողոք է ներկայացրել![]() 1 հուլիսի 2020 - 17:16 AMT PanARMENIAN.Net - ՀՀ դատախազությունը Վերաքննիչ քրեական դատարանի դատավոր Արսեն Նիկողոսյանի՝ ՀՀ երկրորդ նախագահ Ռոբերտ Քոչարյանին գրավի դիմաց ազատ արձակելու որոշման դեմ վճռաբեկ բողոք է ներկայացրել, PanARMENIAN.Net ին ասաց կառույցի կապերի բաժնի պետ Արևիկ Խաչատրյանը։ «Դատախազության` Քոչարյանին 2 մլրդ դրամ գրավով ազատելու Վերաքննիչ դատարանի որոշման դեմ ներկայացված դիմումը երեկ մուտքագրվել է ՀՀ վճռաբեկ դատարան»,- նշեց Խաչատրյանը։ Ավելի վաղ նա նշել էր, որ Քոչարյանի ազատության մեջ լինելը ռիսկային է գնահատել ոչ միայն Դատախազությունը, այլև գործը քննող և Վերաքննիչ դատարանները։ Նրա խոսքով` դատական քննության այս փուլում զգալի մեծ են ամբաստանյալի՝ անօրինական ազդեցություն գործադրելու միջոցով գործի քննությանը խոչընդոտելու ռիսկերը։ Վերաքննիչը հունիսի 18-ին մասնակի բավարարել էր Քոչարյանի կալանքը փոխելու միջնորդությունները մերժելու մասին` դատարանի որոշման դեմ բողոքը։ Քոչարյանն ազատ էր արձակվել 2 մլրդ դրամ գրավի դիմաց։ ՀՀ երկրորդ նախագահին մեղադրանք է առաջադրվել 2008 թ–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ ![]() ![]() Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման ![]() ![]() ![]() | ![]() ![]() ![]() ![]() ![]() ![]() ![]() ![]() |