 Իրանի սահմանին ահաբեկիչների տեղակայման հարցով գլխավոր դատախազը դիմել է իրանցի գործընկերոջը 7 հոկտեմբերի 2020 - 17:16 AMT PanARMENIAN.Net - Իրանի սահմանին ահաբեկիչների տեղակայման հանգամանքի առթիվ գլխավոր դատախազ Արթուր Դավթյանը դիմել է իրանցի գործընկերոջը: Այդ մասին տեղեկացրել է նրա խորհրդական Գոռ Աբրահամյանը ֆեյսբուքյան իր էջում։ «Նկատի ունենալով, որ Ադրբեջանի բանակն ագրեսիվ պատերազմական գործողություններ է ծավալում անմիջականորեն Իրանի հետ սահմանին՝ ահաբեկիչների հայտնաբերման ու չեզոքացման հարցը բարձրացվել է նաև ԻԻՀ գլխավոր դատախազին հղված ՀՀ գլխավոր դատախազ Արթուր Դավթյանի նամակով»,- ասվում է գրառման մեջ: Իրանի նախագահ Հասան Ռոհանին հայտարարել է, որ չեն կարող թույլ տալ՝ Լեռնային Ղարաբաղում ընթացող պատերազմի հետևանքով արկեր հայտնվեն իրենց սահմանին և որ ահաբեկչության ստվերը հայտնվի տարածաշրջանում` հակամարտության պատրվակով։ Ավելի վաղ Հայաստանի պաշտպանության նախարարության ներկայացուցիչ Արծրուն Հովհաննիսյանը հայտարարել էր, որ ադրբեջանական կողմը փորձում է հրահրել արցախյան կողմին կրակ բացել կամ հարվածներ հասցնել սահմանի երկայնքով՝ Իրանի ուղղությամբ: Հովհաննիսյանը նշել էր, որ այլընտրանք չունենալով, ադրբեջանական ստորաբաժանումները կարող են նահանջել կամ փախչել Իրանի տարածք։ Ըստ նրա՝ այդ ամենից խուսափելու համար իրանական կողմը պետք է կանխի կամ պարտադրի ձեռնպահ մնալ այդպիսի կուտակումներից։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
