Այսօր լրանում է ղարաբաղյան շարժման 21-րդ տարելիցը: 1988 թվականի փետրվարի 20-ին Լեռնային Ղարաբաղի Ինքնավար Մարզի ժողովրդական պատգամավորների արտահերթ նստաշրջանը դիմեց Հայկական ԽՍՀ, Ադրբեջանական ԽՍՀ եւ ԽՍՀՄ Գերագույն Խորհրդներին` խնդրելով քննել եւ դրական լուծում տալ Լեռնային Ղարաբաղը Ադրբեջանի կազմից Հայաստանի կազմ տեղափոխելու հարցը:

Խնդրանքի պատասխանը եղավ հայերի կոտորածն ու ջարդը Սումգաիթում, Կիրովաբադում եւ Բաքվում, «Օղակ» օպերացիան, ինչի արդյունքում Ադրբեջանի գրեթե կեսմիլիոնանոց հայ համայնքը արտաքսվեց հայրենի հողերից: Ադրբեջանի սանձազերծած ագրեսիային Լեռնային Ղարաբաղի ժողովուրդը պատասխանեց դիմադրությամբ, որն ավարտվեց ԼՂՀ անկախության հռչակմամբ 1990 թվականի սեպտեմբերի 2-ին: