  Պոմպեո․ ԼՂ-ում էսկալացիան թուլացնելու համար պետք է ցանկացած այլ երկիր հեռու մնա հակամարտությունից 21 հոկտեմբերի 2020 - 21:13 AMT PanARMENIAN.Net - Լեռնային Ղարաբաղի հակամարտության գոտում էսկալացիայի թուլացման համար անհրաժեշտ է, որպեսզի ցանկացած այլ երկիր հեռու մնա հակամարտությունից, չմատակարարվի զենք, չլինի աջակցություն կողմերից որևէ մեկին, հայտարարել է ԱՄՆ պետքարտուղար Մայք Պոմպեոն։ Նա հավելել է, որ ԼՂ հարցում դիվանագիտական լուծումը պետք է ձեռք բերվի: «Դիվանագիտական բարդ իրավիճակ է: Մեր դիրքորոշումը, ինչպես և յուրաքանչյուր եվրոպական երկրի դիրքորոշում, մնում է այն, որ այս հակամարտության դադարեցման և էսկալացիայի թուլացման համար ցանկացած այլ երկիր պետք է հեռու մնա հակամարտությունից, չմատակարարվի զենք, չլինի աջակցություն որևէ կողմին և որևէ ազդեցություն»,- ասել է նա: Պոմպեոն նշել է, որ ԼՂ հարցով հոկտեմբերի 23-ին կխոսի Հայաստանի և Ադրբեջանի արտաքին գործերի նախարարների հետ։ Ավելի վաղ հայտարարվել էր, որ ՀՀ ու Ադրբեջանի ԱԳ նախարարները առանձին հանդիպումներ կունենան ԱՄՆ պետքարտուղարի հետ։ Հոկտեբերի 21-ին վարչապետ Նիկոլ Փաշինյանը նշել է, որ ԼՂ-ում այս պահին հարցը դիվանագիտական լուծում չունի, քանի որ Ադրբեջանն ասում է, որ որևէ այլ բանի, բացի Ղարաբաղի կապիտուլացիայից, համաձայն չէ։ Ղարաբաղյան հակամարտության մեջ Թուրքիան անմիջական աջակցություն է ցուցաբերում Ադրբեջանին՝ մատակարարելով զինտեխնիկա ու մարդուժ՝ այդ թվում նաև ահաբեկիչ-վարձկաններ՝ Սիրիայից ու Լիբիայից։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
