Թալեաթ փաշայի մասին «Ցեղասպանության ճարտարապետ» գիրքը թարգմանվել է թուրքերեն 9 մարտի 2021 - 17:46 AMT PanARMENIAN.Net - Թալեաթ փաշայի մասին գիրքը թարգմանվել է թուրքերեն։ «Թալեաթ փաշա, ժամանակակից Թուրքիայի հայրը, ցեղասպանության ճարտարապետը» վերնագրով գրքի հեղինակն է Օսմանյան վերջին շրջանի ու Թուրքիայի պատմության հայտնի մասնագետ Ցյուրիխի համալսարանի պրոֆեսոր Հանս Լուկաս Կիզերը: Թուրքական որոշ լրատվամիջոցների կողմից սկանդալային որակված թարգմանության մեջ վերջինների զայրույթն է հարուցել 2 հանգամանք. 1-ինը «ցեղասպանության ճարտարապետ» արտահայտությունն է, 2-րդն այն է, որ գիրքը անգլերենից թուրքերեն թարգմանած «Իլեթիշիմ Յայընլար» թուրքական անկախ հրատարակչությունը վերնագրի «ժամանակակից Թուրքիայի հայր» հատվածը փոխարինել է «իթթիհաթականության ուղեղը» արտահայտությամբ, գրում է Ermenihaber-ը։ Գրքի՝ «Թալեաթ փաշա, իթթիհաթականության ուղեղը, ցեղասպանության ճարտարապետը» վերնագրով տարբերակը թուրքերի կողմից որակվել է իբրև «այսպես կոչված ցեղասպանության պնդումների պրոպագանդա»: Թալեաթ փաշան համարվում է Հայոց ցեղասպանության գլխավոր կազմակերպիչը, ցեղասպանության տարիներին նա Թուրքիայի ներքին գործերի նախարարի պաշտոնն էր զբաղեցնում։ 1921 թվականի մարտի 15-ին Բեռլինի Շառլոտենբուրգ թաղամասի Հարդենբերգ փողոցում հնչած կրակոցը վերջ դրեց 1915-ի Հայոց ցեղասպանության գլխավոր կազմակերպիչներից Թալեաթ Փաշայի կյանքին, ով «Իթիաթ» կուսակցության պարագլուխներից մեկն էր, երիտթուրքական հեղափուխությունից հետո ներքին գործերի մինիստր, կուսակցության կենտկոմի նախագահ, 1916 թվականից՝ Մեծ Վեզիր:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
