  Ադրբեջանում գերեվարված Մարալ Նաջարյանն արդեն Բեյրութում է 11 մարտի 2021 - 10:31 AMT PanARMENIAN.Net - Ադրբեջանի կողմից գերեվարված Մարալ Նաջարյանը վերադարձել է տուն՝ Բեյրութ։ Տեղեկությունն ֆեյսբուքյան իր էջում հայտնել է լիբանանահայ հասարակական գործիչ Հակոբ Հավաթյանը, գրում է «Հայկական ժամանակը»։ Նշվում է, որ նա ազատ է արձակվել Միջազգային կարմիր խաչին և Լիբանանի արտաքին գործերի նախարարության հետ ՀՅԴ Լիբանանի Կենտրոնական կոմիտեի ներկայացուցիչ, պատգամավոր Հակոբ Բագրատունու հետևողական աշխատանքի շնորհիվ։ Հավաթյանը նաև լուսանկար է հրապարակել: ԱԺ պատգամավոր Նաիրա Զոհրաբյանը Նաջարյանի վերադարձի վերաբերյալ ֆեյսբուքյան իր էջում գրել է, որ դեռևս մարտի 10-ի երեկոյան իրեն Մոսկվայից տեղեկացրել են, որ այլևս ամեն ինչ ապահով է։ «Շնորհակալություն ՌԴ դաշնային խորհրդի նախագահին, Լիբանանի կառավարությանը, Լիբանանի Կարմիր Խաչին, Լիբանանի ՀՅԴ կառույցին, Արման Թաթոյանին, Սիրանույշ Սահակյանին, ռուսաստանաբնակ իմ լավ բարեկամ Արայիկ Բաղդասարյանին և մի քիչ էլ ինձ։ Եթե էսպես միակամ աշխատենք՝ մեր մյուս ռազմագերիների և գերեվարված կանանց դեպքում ևս կհաջողենք»,-ասվում է պատգամավորի գրառման մեջ։ Մարալ Նաջարյանը գերեվարվել էր նոյեմբերի 10-ին՝ Բերձորում, ուր մեկնել էր անձնական իրերը վերցնելու։ Մարտի 2-ին ՌԴ Դաշնության խորհրդի խոսնակ Վալենտինա Մատվիենկոն Ադրբեջանի միլի մեջլիսի խոսնակ Սահիբա Գաֆարովայի հետ հեռախոսազրույցում խնդրել էր խորհրդարանական գծով աջակցել 2 հայ կնոջ հայրենիք վերադարձնելու հարցում, որոնք գերեվարվել են 2020-ին՝ Արցախում։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
