  Հայաստանում կարող են կրկնվել մարտի 1-ի դեպքե՞րը24 մարտի 2009 - 19:25 AMT PanARMENIAN.Net - «Ես խիստ կզարմանամ, եթե 2008թ. մարտի 1-ի դեպքերից եւ վերջերս Հայաստանի առաջին նախագահ Լեւոն Տեր-Պետրոսյանի կատարած հայտարարություններից հետո նրա շուրջը մարդկանց զգալի զանգված չհավաքվի»,- Երեւանում լրագրողներին է հայտնել Հայաստանի Դեմոկրատական կուսակցության (ՀԴԿ) առաջնորդ Արամ Սարգսյանը: «Արդյո՞ք մարդիկ կարծում են, որ Լեւոն Տեր-Պետրոսյանն իսկապես աշխատելու է որպես Երեւանի քաղաքապետ: Բացի դրանից, նա բազմիցս հայտարարել է, որ ընտրություններում կընդունի միայն իր հաղթանակի փաստը: Չհաղթելով Երեւանի Ավագանու խորհրդի ընտրություններին` նա կբոյկոտի ընտրությունների արդյունքները, եւ հունիսի 1-ին հանրապետությունում կրկնվեն 2008թ. մարտի 1-ի դեպքերը»,- նկատել է Արամ Սարգսյանը: Դեմոկրատական կուսակցության առաջնորդի խոսքով, Հայաստանի առաջին նախագահը հանրապետությունում սադրանքների համար հող է նախապատրաստում: «Եթե Ավագանու խորհրդի ընտրությունները դառնան 2008թ. նախագահական ընտրությունների շարունակությունը, ապա Հայաստանը չի կարողանա դուրս գալ ստեղծված իրավիճակից, որը գնալով ավելի վտանգավոր է դառնում հանրապետության համար»,- ընդգծել է Արամ Սարգսյանը:2008թ. նախագահական ընտրություններին Լեւոն Տեր-Պետրոսյանը զբաղեցրեց երկրորդ տեղը: Փետրվարի 20-ից Երեւանում հայկական ընդդիմության անցկացրած ցույցերը, որոնք արտահայտում էին Հայաստանի նախագահի ընտրությունների արդյունքի հանդեպ դժգոհությունը, մարտի 1-ին վերածվեցին զանգվածային անկարգությունների եւ իրավապահ մարմինների հետ բախումների: Այն ժամանակ զոհվեց 10 մարդ եւ ավելի քան 200 հոգի վնասվածքներ ստացան: Մարտի 1-ից Երեւանում 20 օր ժամկետով արտակարգ իրադրություն հայտարարվեց:   Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»   Ամենաընթերցվողը բաժնում |  Բաժիններ թեմայով Վերջին լուրեր Ավինյան․ Մետրոյի «Աջափնյակ» կայարանը «կմահանա», եթե թողնենք բյուրոկրատական ընթացքին  Նա ասել է, որ երբ պետք լինի, քաղաքապետարանի պատասխանատուները իրեն պետք է տեղեկացնեն և ինքը կարող է ծագած հարցերը լուծելՖրանսիայում ԱԺ ընտրությունների առաջին փուլում հաղթել են Լը Պենի գլխավորած աջակողմյան պոպուլիստները Ըստ պաշտոնական տվյալների, աջակողմյան պոպուլիստները հավաքել են քվեների 33 տոկոսըՄինչև հուլիսի 4–ն անձրևներ կտեղան՝ առանձին հատվածներում հորդառատ․ 3-5 աստիճանով կհովանա Հուլիսի 1–ի ցերեկային ժամերին Երևանում սպասվում է +29 աստիճան, հուլիսի 2–ին՝ +27 |
