Հայաստանի ազգային ընտրանին ՖԻՖԱ-ի դասակարգման աղյուսակում նահանջել է 4 տեղով 8 ապրիլի 2009 - 19:52 AMT PanARMENIAN.Net - 2009 թ. ապրիլի 8-ին հրապարակվեց ազգային հավաքականների ՖԻՖԱ-ի դասակարգման աղյուսակը: Նախորդ ամսվա համեմատ Հայաստանի ազգային ընտրանին նահանջել է 4 տեղով եւ զբաղեցնում է դասակարգման աղյուսակի 124-րդ հորիզոնականը: Առաջին եռյակում փոփոխություններ տեղի չեն ունեցել: Դասակարգման աղյուսակը շարունակում է գլխավորել Եվրոպայի չեմպիոնը` Իսպանիայի հավաքականը, որին հաջորդում են մայրցամաքի փոխչեմպիոն գերմանացիները, երրորդ հորիզոնականը զբաղեցնում է Հոլանդիայի ընտրանին:Նախորդ` փետրվարի 11-ին հրապարակված դասարակարգման աղյուսակի համեմատ առաջին տասնյակում տեղի են ունեցել որոշ փոփոխություններ: Իտալիան եւ Բրազիլիան փոխվել են իրենց տեղերով. Բրազիլիան բարձրացել է 5-ից 4-րդ տեղը, իսկ Իտալիան` հակառակը` իջել մեկ կետով: Պորտուգալիան իր հերթին 10-րդ հորիզոնականը զիջել է Ֆրանսիային, որն էլ բարձրացել է երկու տեղով: Առաջադիմել է նաեւ Անգլիայի հավաքականը` 9-րդ տեղից բարձրանալով 7-րդ: Իսկ Ռուսաստանի եւ Խորվաթիայի հավաքականներն իջել են մեկական հորիզոնականներով եւ համապատասխանաբար զբաղեցնում են ՖԻՖԱ-ի դասարակարգման աղյուսակի 8-րդ եւ 9-րդ տեղերը: Առաջին տաս թիմերի եւ Հայաստանի հավաքականի մրցակից թիմերի դասարակարգային դրությունը ենթախմբում ունի հետեւյալ տեսքը` 1. Իսպանիա - 1729 (միավոր) 2. Գերմանիա - 1362 3. Հոլանդիա - 1360 4. Բրազիլիա - 1275 5. Իտալիա -- 1271 6. Արգենտինա - 1201 7. Անգլիա - 1173 8. Խորվաթիա - 1151 9. Ռուսաստան - 1117 10. Ֆրանսիա - 1074 14. Թուրքիա - 925 38. Բոսնիա եւ Հերցեգովինա - 737 61. Լատվիա - 541 62. Բելգիա - 534 115. Էստոնիա - 293 124. Հայաստան - 268 ՖԻՖԱ-ի հաջորդ դասակարգման սանդղակը կհրապարակվի մայիսի 6-ին: ![]() ![]() Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը ![]() ![]() | ![]() ![]() ![]() ![]() ![]() ![]() ![]() ![]() ![]() |