  BBC. Եվրատեսիլում ՀՀ-ն ներկայացրած Ռոզա Լինի երգը վիրուսային է դարձել TikTok-ում 30 հուլիսի 2022 - 16:21 AMT PanARMENIAN.Net - Եվրատեսիլ 2022-ում ՀՀ-ն ներկայացրած Ռոզա Լինի երգը մրցույիթց ավելի քան երկու ամիս անց 26-րդ տեղն է զբաղեցրել բրիտանական չարթերում։ Snap-ն օգտագործվել է TikTok-ի ավելի քան 360,000 հոլովակում, որոնցից մի քանիսը միլիոնավոր հավանումներ են ստացել, գրում է BBC-ն՝ հավելելով, որ հայ կատարողի երգը վիրուսային է դարձել սոցցանցում։ «Երազանքս իրականանում է»,-ասել է 22-ամյա երգչուհին BBC News-ին։ Snap-ը մրցույցի երկրորդ ամենատարածված երգն է բրիտանացի Սեմ Ռայդերի երգից հետո, որը 2-րդ տեղն է գրավել Եվրատեսիլում։ «Երբեք չգիտես, թե ինչը վիրուսային կդառնա TikTok», -ասել է Լինը։ Երgի տարբեր վարկածները միայն ավելացրել են նրա համաշխարհային ճանաչումը։ «Հենց որ մենք հատեցինք օրական 1 մլն լսումների շեմը, ես մտածեցի՝ Աստված իմ։ Ես ամեն օր ստուգում եմ ցուցանիշները Spotify-ում և տեսնում եմ, թե ինչպես են դրանք աճում և ուղղակի չեմ կարողանում դրան հավատալ»,- ասել է Լինը՝ հավելելով, որ իրականություն է դարձել իր մանկության երազանքը։ Երգը հայտնվել է նաև Լատինական Ամերիկայի և ԱՄՆ չարթերում, ինչպես նաև Աֆրիկայի երկրներում։ «Շանս կար, որ երգը կհայտնի նաև եվրոպական չարթերում և դա հիանալի է»,-ասել է Լիննը։ Եվրատեսիլի եզրափակչում Snap երգը 20-րդ տեղն է զբաղեցրել 25-ից՝ ոչ մի միավոր չստանալով Մեծ Բրիտանիայից ոչ ժյուրիի, ոչ հանդիսատեսի քվեարկության արդյունքում։ «Դա իմ առաջին ելույթն էր մեծ բեմում, բայց ես ինձ այնքան լավ էի զգում։ Ես ինձ ինչպես տանն էի զգում»,-ասել է Լինը։ Եվրատեսիլ 2023-ը անցնելու է Մեծ Բրիտանիայում, քանի որ առաջին տեղը զբաղեցրած Ուկրաինան չի կարող ընդունել մրցույթը ՌԴ հետ պատերազմի պատճառով։   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
