ՌԴ ռազմակայանի օդաչուներն ավիացիոն հարված են հասցրել պայմանական հակառակորդի օբյեկտներին![]() 5 ապրիլի 2023 - 14:11 AMT PanARMENIAN.Net - Հայաստանում Հարավային ռազմական օկրուգի (ՀՌՕ) բանակային ավիացիայի օդաչուները ավիացիոն հարված են հասցրել պայմանական հակառակորդի օբյեկտներին «Ալագյազ» բարձրլեռնային զորավարժարանում, հայտնում է Հարավային ռազմական օկրուգի մամուլի ծառայությունը։ Նշվում է, որ հսկիչ ստուգման շրջանակներում ուղղաթիռների անձնակազմերը լեռնային տեղանքում «հակառակորդի» ուժերը ոչնչացնելու խնդիր են ստացել: Ստանալով կոորդիանտները առաջապահ ավիացիոն նշանառուներից՝ օդաչուներն ուսումնամարտական թռիչքներ են իրականացրել և, ռազմական տեխնիկա «հայտնաբերելիս», չկառավարվող հրթիռներ են արձակել և ավիացիոն թնդանոթից կրակել տարբեր տեսակի թիրախների ուղղությամբ՝ 1000-3000 մ հեռավորության վրա։ Թռիչքներն իրականացվել են ինչպես ցերեկային, այնպես էլ երեկոյան ժամերին։ Հսկիչ ստուգման պարապմունքներին մասնակցել է ավելի քան 130 զինծառայող, ներգրավվել է մոտ 20 միավոր ռազմական և հատուկ տեխնիկա, այդ թվում՝ բանակային ավիացիայի Մի-8ՄՏՎ-5 և Կա-52 ուղղաթիռներ: ![]() ![]() Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը ![]() ![]() ![]() | ![]() ![]() ![]() ![]() ![]() ![]() ![]() ![]() |