Բիբլոս Բանկ Արմենիան գործարկել է Google Pay-ը 5 ապրիլի 2023 - 15:17 AMT PanARMENIAN.Net - Բիբլոս Բանկ Արմենիան գործարկել է Google Pay ծառայությունը և իր քարտապաններին ընձեռել պարզ ու ապահով անհպում վճարումներ կատարելու և բանկային քարտերը Android և Wear OS սարքերում պահելու հնարավորություն: Քարտապանները կարող են իրենց դեբետային և վարկային քարտերը կցել Google Wallet թվային դրամապանակին և կատարել անհպում վճարումներ։ Բացի վճարային քարտերից, Բանկի հաճախորդները կարող են Google Wallet-ին կցել և օգտագործել նաև հավատարմության քարտեր, ինքնաթիռի նստեցման կտրոններ և միջոցառումների տոմսեր: Անվտանգության մի քանի մակարդակի կիրառման շնորհիվ Google Pay-ը վճարումներն առավել ապահով է դարձնում ՝ այդպիսով լրացնելով Բիբլոս Բանկ Արմենիայի քարտերի արդեն իսկ գործող անվտանգության մեխանիզմները: Սա ներառում է ոլորտի չափանիշներին համապատասխանող թոքենների կիրառում, ինչը նշանակում է, որ Google Wallet-ին կցված քարտով վճարում կատարելիս գործարքներն իրականացվում են վիրտուալ քարտի համարի (թոքենի) միջոցով: Այս թոքենն աշխատում է ըստ սարքի առանձնահատկությունների և կապված է դինամիկ անվտանգության կոդի հետ, որը փոխվում է յուրաքանչյուր գործարքի ժամանակ՝ ապահովելով լրացուցիչ պաշտպանություն զեղծարարությունից: Բացի այդ, հեռախոսը կորցնելու դեպքում քարտապանը պարզապես կարող է օգտվել «Գտնել իմ սարքը» ֆունկցիայից՝ անմիջապես սարքը բլոկավորելու, գաղտնաբառը փոխելու կամ անձնական տվյալները ջնջելու համար: Google Pay-ի միջոցով սմարթֆոնով վճարումներ անելու համար քարտապանները պետք է Play Store-ից ներբեռնեն անվճար Google Wallet հավելվածը և թվային դրամապանակին կցեն իրենց բանկային քարտերը: Վճարելու համար պարզապես պետք է ակտիվացնել էկրանը կամ ապակողպել սմարթֆոնը գաղտնաբառով կամ կենսաչափական տվյալներով և սարքը մետեցնել անհպում վճարման տերմինալին: Անհպում վճարումները հասանելի են Android 5.0 կամ ավելի բարձր օպերացիոն համակարգով և ներկառուցված NFC չիպով սմարթֆոններում և Wear OS 2.15 կամ ավելի բարձր օպերացիոն համակարգով աշխատող ժամացույցներում: Google Pay և Google Wallet անվանումները Google LLC ընկերության ապրանքանիշներ են: Մանրամասները Բիբլոս Բանկ Արմենիայի պաշտոնական կայքում են։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները Անդրադարձ է կատարվել տարածաշրջանային թեմաներին ՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համար Լոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտը Միրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |