Թվային փոխակերպումը՝ Doing Digital Forum-ի շրջանակում. «Կարևոր է հասկանալ՝ ինչպես է աշխարհը թվայնացվում» 5 ապրիլի 2023 - 17:09 AMT PanARMENIAN.Net - Երևանում ապրիլի 5-ին մեկնարկել է առաջին Doing Digital Forum-ը, որն անցնում է «Բացահայտելով թվային ապագան» խորագրի ներքո: Դրա հիմնադիրն ու կազմակերպիչը SPRING PR ընկերությունն է, իսկ համակազմակերպիչը՝ Ամերիաբանկը։ Ֆորումը բոլոր նրանց համար է, ովքեր հետաքրքրված են թվային փոխակերպմամբ, դրա ներդրմամբ ու թվային տնտեսության զարգացմամբ, դրա շրջանակում հանդես է գալու միջազգային և հայաստանյան ավելի քան 20 առաջատար խոսնակ: Doing Digital ֆորումի գլխավոր խոսնակը թվային փոխակերպումների և ֆինթեքի միջազգային փորձագետ Քրիս Սքիներն է, ով աշխարհի մակարդակով համարվում է տեխնոլոգիաների և ֆինանսական շուկաների ամենաազդեցիկ մասնագետներից ու ամենավաճառվող հեղինակներից մեկը:
«Չափազանց կարևոր է հասկանալ, թե ինչպես է աշխարհը թվայնացվում և փոխակերպվում։ Եվ չափազանց կարևոր էր այս ընկալումը բերել Հայաստան: ՀՀ-ն թվայնացման տարածաշրջանային կենտրոնի վերածելու համար անհրաժեշտ է, որ երկրի իշխանությունը ևս դրա առաջնորդության դերը ստանձնի, և այն, որ այս ֆորումին մասնակցում են փոխվարչապետը, Կենտրոնական բանկի նախագահը, ապացուցում է, որ երկրի ղեկավարությունն ունի այդ ընկալումն ու հանձնառություն է ստանձնել իրագործելու այդ թվային փոխակերպումը երկրում»,- նշել է Քրիս Սքիները։ Թվային փոխակերպման ոլորտում իրենց փորձով ֆորումի մասնակիցների հետ կիսվել են նաև Ամերիաբանկի Ինովացիաների և թվայնացման գծով տնօրեն Արտյոմ Շամցյանը և Ֆինանսական գծով տնօրեն Հովհաննես Թորոյանը:
«Ամերիաբանկն ավելի քան 5 տարի է, ինչ թվային փոխակերպման ճանապարհին է: Մեզ համար այս ֆորումը հնարավորություն է՝ կիսվելու մեր փորձով և քաղած դասերով»,- ճեպազրույցի ընթացքում նշել է Շամցյանը։ Ամերիաբանկի Տաղանդների և ծառայությունների գծով տնօրեն Արմինե Ղազարյանն էլ ընդգծել է՝ վերափոխումը չավարտվող և շարունակական գործընթաց է։ Իր հերթին, SPRING PR ընկերության համահիմնադիր Տաթևիկ Սիմոնյանը նշել է, որ ֆորումի նպատակն է համախմբել էկոհամակագրը և ՀՀ աշխարհին ներկայացնել որպես ինովացիոն և նորարար տեխնոլոգիաների, թվային տրանսֆորմացիայի հաբ։
«Նախաձեռնեցինք այս ֆորումը, որովհետև հիմա ճիշտ ժամանակն է խոսելու այն աշխատանքների ու փորձի մասին, որն ունեն ընկերությունները թվային տրանսֆորմացիայի ճանապարհին։ Անհրաժեշտ է նաև հասկանալ, թե ինչ խնդիրներ կան, և մեր երկիր բերել միջազգային փորձը»,- նշել է նա՝ հավելելով, որ թվային տրանսֆորմացիան «ոչ թե տեխնոլոգիաների, այլ մարդկանց մասին է»։ Ամերիաբանկը Doing Digital ֆորումի համակազմակերպիչն է: Բանկը ՀՀ տնտեսական ոլորտի նշանակալի դերակատարներից է, որի ակտիվները գերազանցում են 1 տրիլիոն դրամը: Ընթանալով թվայնացման ճանապարհով` բանկը ներդրել է մի շարք նորարար ծրագրեր ու բեկումնային հարթակներ, որոնք գերազանցում են մարդկանց հիմնական բանկային կարիքները՝ ստեղծելով դինամիկ զարգացող ֆինանսա-տեխնոլոգիական միջավայր: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՔԿ․ Ըստ զորամասի հաղորդման՝ պայմանագրային զինծառայողն իրեն ամրակցված ինքնաձիգից ինքն իրեն պատճառել է հրազենային վնասվածք Դիակի արտաքին զննությամբ բռնության հետքեր չեն հայտնաբերվել, նշանակվել է դիակի դատաբժշկական փորձաքննություն ՔԿ. Արաբկիրի գրասենյակում քննչական գործողություններ են, կան ձերբակալվածներ Ըստ որոշ տեղեկությունների, ձերբակալվածների թվում է նաև Արաբկիրի վարչական ղեկավարը ՄԻՊ. Պետությունը պարտավոր է ձեռնարկել զինծառայողների կյանքի իրավունքի պաշտպանությանն ուղղված քայլեր Պարզաբանումներ ստանալու նպատակով, գրություններ են ուղարկվել իրավասու պետական մարմիններին Իրավապաշտպան․ 3 զինվորի մահ՝ 18 օրում, պետությունն է պատասխանատու զինվորի կյանքի համար «Դեռ զինվորին հողին չհանձնած, ընտանքը մեղայական խոսքերի փոխարեն լսում էր մեղադրանքներ ու սպառնալիքներ»,–գրել է նա |