Սյունիքի 40 բնակավայրում նոր կրթահամալիրներ կկառուցվեն![]() 6 ապրիլի 2023 - 17:50 AMT PanARMENIAN.Net - Սյունիքի 40 գյուղական բնակավայրերում նոր կրթահամալիրներ կկառուցվեն, որոնցից 7-ը՝ Կապանում, 33-ը՝ Սյունիքի մարզի մյուս խոշորացված համայնքներում: Կառավարությունն ավելի քան 440 մլն դրամ է հատկացրել անհրաժեշտ նախագծանախահաշվային փաստաթղթերի ձեռքբերմանը: Տեղ գյուղի դպրոցը, որի շենքային պայմանները լավ վիճակում են, վերափոխվելու է կրթահամալիրի։ Ներկայացնելով նախագիծը՝ կրթության, գիտության, մշակույթի և սպորտի նախարար Ժաննա Անդրեասյանը կարևորել է գյուղական փոքր բնակավայրերում կրթության որակի բարելավումը և այդ նպատակով նոր ենթակառուցվածքների ձևավորումը: Նա նշել է, որ ստեղծվելիք կրթահամալիրներում կիրականացվեն թե նախադպրոցական, թե դպրոցական, թե ոչ ֆորմալ կրթական ծրագրեր երեխաների և մեծահասակների համար: Կրթահամալիրները հագեցած կլինեն անհրաժեշտ լաբորատորիաներով, տեխնոլոգիաներով, այլ գույքով, կունենան մարզադահլիճ և հանդիսությունների սրահ, որոնք կծառայեն նաև՝ իբրև բնակավայրի մշակութային և սպորտային միջավայր՝ կրթահամալիրը վերածելով համայնքային կենտրոնի: «Դրանք կծառայեն նաև իբրև կրթական կենտրոններ՝ շրջակա բնակավայրերի նախադպրոցական և դպրոցական տարիքի երեխաների համար, որոնք կրթահամալիր կտեղափոխվեն հատուկ այդ նպատակով գնված տրանսպորտային միջոցներով՝ ուղեկցորդի ուղեկցությամբ: Կազմվել են նաև շրջակա բնակավայրերից կրթահամալիրներ տանող երթուղիները՝ Տարածքային կառավարման և ենթակառուցվածքների նախարարության ճանապարհների նորոգման ծրագրերով, ինչպես նաև սինխրոնացվել է նշված ճանապարհների բարեկարգման ընթացքը՝ կրթահամալիրների շինարարությանը զուգընթաց»,-մանրամասնել է նախարարը: Նախարարը նաև հավելել է, որ ծրագիրը որակյալ կրթության ապահովման ամբողջական բարեփոխում է, որի շրջանակում Հայաստանի մանուկների հիմնադրամը ԵՄ աջակցությամբ Կապանում և Գորիսում կառուցելու է 2 սմարթ կենտրոն։ Հավասար և որակյալ կրթության ապահովման նպատակով սեպտեմբերից Սյունիքի մարզում լինելու է առանձնացված ուսուցում, և պետբյուջեի միջոցներից նախատեսվում են հավելյալ միջոցներ, որպեսզի յուրաքանչյուր դասարան ունենա առանձին սովորելու հնարավորություն՝ անկախ երեխաների թվից։ 300 դպրոցի կառուցման ծրագրով, ընդհանուր առմամբ, գյուղական բնակավայրերում կնախագծվի և կկառուցվի մոտ 150 կրթահամալիր, ինչը թույլ կտա ամբողջությամբ կարգավորել փոքր գյուղական համայնքներում որակյալ կրթության հասանելիության հարցը: ![]() ![]() Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը ![]() ![]() ![]() | ![]() ![]() ![]() ![]() ![]() ![]() ![]() ![]() |