Մոսկվան պարզաբանում է պահանջել ՀՀ-ից ՆԱՏՕ-ի զորավարժություններին մասնակցության վերաբերյալ![]() 12 ապրիլի 2023 - 18:10 AMT PanARMENIAN.Net - Մոսկվան պարզաբանում է պահանջել ՀՀ-ից ՆԱՏՕ-ի զորավարժություններին մասնակցության վերաբերյալ։ Այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Մենք պաշտոնական պարզաբանում ենք պահանջել մեր հայ գործընկերներից ՆԱՏՕ-ի զորավարժություններին նրանց մասնակցության վերաբերյալ։ Մեր արձագանքը կլինի պատասխանը ստանալուն պես»,- ասել է նա, գրում է ՏԱՍՍ-ը։ Նա հավելել է, որ իր տարածքում ՀԱՊԿ զորավարժություններից հրաժարվելու Երևանի որոշումը ափսոսանք է հարուցում և «չի նպաստում տարածաշրջանային անվտանգության բարձրացմանը»։ Զախարովան հավելել է, որ ՆԱՏՕ-ն շարունակում է գործընկեր երկրներին իր զորավարժություններում ներգրավելու պրակտիկան և ձգտում է վերաֆորմատավորել այդ պետությունների պաշտպանական համակարգերը՝ ազդեցության լծակներ ստանալ ներքին ու արտաքին գործընթացների վրա։ «Առաջին հերթին դա վերաբերում է հետխորհրդային երկրներին, որոնք ՆԱՏՕ-ի համար ՌԴ հետ աշխարհաքաղաքական առճակատման դաշտ են։ ԱՄՆ-ն ու նրա դաշնակիցները փորձում են անվանարկել տարածաշրջանի երկրների գործակցությունը մեր երկրի հետ, ներքաշում են փոխգործակցության տարբեր ձևաչափերի մեջ, որոնք կրում են ակնհայտ հակառուսական բնույթ»,-ասել է նա։ Ավելի վաղ հայտնի դարձավ, որ Հայաստանը հանվել է ԱՄՆ նախաձեռնած Defender 23 զորավարժության մասնակիցների ցանկից, սակայն մասնակցելու է ՆԱՏՕ-ի այլ 2 զորավարժության։ ![]() ![]() Նա նշել է, որ աշխատանքներ են տարվում Ադրբեջանի և ՀՀ միջև խաղաղության համաձայնագրի ստորագրման ուղղությամբ Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ «Մնացած չլուծված հարցերի շուրջ, կարծում եմ, հեշտությամբ կարելի է պայմանավորվել»,- ասել է Նշվել է, որ 15 անձի նկատմամբ հետաքննությունն ավարտվել է։ ![]() ![]() | ![]() ![]() ![]() ![]() ![]() ![]() ![]() ![]() |