Ադրբեջանի ԱԳՆ-ն ՀՀ-ին կոչ է արել «չմիջամտել իրենց երկխոսությանը Ղարաբաղի շրջանի էթնիկ հայերի հետ» 30 մայիսի 2023 - 15:43 AMT PanARMENIAN.Net - Ադրբեջանի ԱԳՆ-ն արձագանքել է Հայաստանի ԱԳՆ հայտարարությանը՝ կոչ անելով «գործով, ոչ թե խոսքով հարգել Ադրբեջանի տարածքային ամբողջականությունը» և չմիջամտել իրենց երկխոսությանը «Ղարաբաղի շրջանի էթնիկ հայերի հետ»: Հայտարարության մեջ ասվում է, թե ՀՀ ԱԳՆ-ն «գիտակցաբար խեղաթյուրել է Ադրբեջանի նախագահի խոսքերն տարածքային ամբողջականությունը հարգելու և անջատողականությունը խրախուսող քայլերը կանխելու անհրաժեշտության մասին», ինչը վկայում է, որ ՀՀ ԱԳՆ-ն «դասեր չի քաղել պատմությունից», գրում է Interfax.az-ը։ Ասվում է նաև, որ ՀՀ պնդումներն այն մասին, որ Ադրբեջանը մտադիր է «Ադրբեջանի Ղարաբաղի շրջանում ապրող հայերի էթնիկ զտում անցկացնել, անհիմն են»։ «Հակառակը, Բաքուն մտադիր է բոլոր անհրաժեշտ քայլերը ձեռնարկել տեղի հայ բնակիչներին վերաինտեգրելու համար»,- ասվում է Ադրբեջանի ԱԳՆ հայտարարության մեջ։ «Ադրբեջանի ինքնիշխանության և տարածքային ամբողջականության դեմ նկրտումների կասեցումը Ադրբեջանի ինքնիշխան իրավունքն է և բխում է միջազգային իրավունքի նորմերից և սկզբունքներից։ Դրան հակասող Հայաստանի գործողությունները և հայ բնակիչների հետ Ադրբեջանի երկխոսության ջանքերին խոչընդոտելը միջամտություն է Ադրբեջանի ներքին գործերին և հակասում է Ադրբեջանի տարածքային ամբողջականությունը ճանաչելու վերաբերյալ ՀՀ պաթոսային հայտարարություններին»,- ասվում է Ադրբեջանի ԱԳՆ հայտարարության մեջ։ Իլհամ Ալիևը Լաչինում մայիսի 28-ի իր ելույթում ասել է, թե «անկախության երազանքները գնացին այնտեղ, ուր կարգավիճակը» և ԼՂ հայերին մեկ ճանապարհ է մնում՝ ենթարկվել Ադրբեջանին, «ցրել խորհրդարանը, աղբամանը նետել կեղծ պետական ատրիբուտները»։ Ալիևն իր ելույթում ասել է նաև․ «Բոլորին լավ հայտնի է, որ այսօր մենք հնարավորություն ունենք ցանկացած գործողություն անցկացնել այդ ռեգիոնում՝ Ղարաբաղում։ Ուստի «խորհրդարանը» պետք է լուծարվի, իրեն «նախագահ» անվանող տարրը պետք է հանձնվի, «նախարարները, «պատգամավորները» և մյուսները պետք է թողնեն իրենց պաշտոնները։ Միայն այդ դեպքում նրանց համար կարող են ինչ-որ զիջումներ արվել։ Միայն այդ դեպքում խոսք կարող է լինել ինչ-որ համաներման մասին»։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
