Արցախում տեղակայված ՌԴ խաղաղապահ առաքելությունը հրադադարի ռեժիմի խախտում է արձանագրել Մարտունու շրջանում։ Այդ մասին ասվում է ՌԴ պաշտպանության նախարարության ամենօրյա տեղեկագրի մեջ։

Տուժածներ չկան։

Ռուս խաղաղապահ առաքելության հրամանատարությունը հայկական ու ադրբեջանական կողմերի հետ համատեղ հետաքննություն է անցկացնում այս փաստի առնչությամբ։

Խաղաղապահները պարեկություն են իրականացրել 3 երթուղով՝ Մարտակերտի, Մարտունու և Լաչինի շրջաններում։

Նշվում է նաև, որ ռուսական զորակազմի սակրավորական խմբերը շարունակում են տարածքների ականազերծումը։

Հունիսի 28-ին՝ ժամը 01:30-ից, Ադրբեջանի ԶՈւ ստորաբաժանումները հրետանային միջոցներից կրակ են բացել Մարտունու և Մարտակերտի հայկական դիրքերի ուղղությամբ` կիրառելով նաև ԱԹՍ-ներ։ Հայկական կողմն ունի 4 զոհ, հայտնում է Արցախի պաշտպանության նախարարությունը։