Կոլոնա․ Ֆրանսիան սատարում է խաղաղության հասնելու ՀՀ անկեղծ ջանքերին, ԼՂ հայերի իրավունքների պահպանմանը 7 հուլիսի 2023 - 14:14 AMT PanARMENIAN.Net - Ֆրանսիայի ԱԳ նախարար Կատրին Կոլոնան, անդրադառնալով ՀՀ ԱԳ նախարար Արարատ Միրզոյանի հետ հեռախոսազրույցին, նշել է, որ իր երկիրը սատարում է խաղաղության հասնելու Հայաստանի անկեղծ ջանքերին, Լեռնային Ղարաբաղի հայերի իրավունքների պահպանմանը: Այդ մասին նա գրառում է կատարել Twitter-ի իր միկրոբլոգում։ «Ֆրանսիան մոբիլիզացնում է իր ջանքերը հանուն արդարության և միջազգային իրավունքի հանդեպ հարգանքի։ Ես ասացի Միրզոյանին, որ Ֆրանսիան աջակցում է Ադրբեջանի հետ բանակցությունների միջոցով խաղաղության հասնելու Հայաստանի անկեղծ ջանքերին` պահպանելով Լեռնային Ղարաբաղում բնակվող հայերի իրավունքները»,-ասվում է գրառման մեջ։ ՀՀ ԱԳ նախարար Արարատ Միրզոյանը Ֆրանսիայի ԱԳ նախարար Կատրին Կոլոնայի հետ հեռախոսազրույցում ներկայացրել Հայաստան-Ադրբեջան հարաբերությունների կարգավորման գործընթացի վերջին զարգացումները: Անդրադարձ է կատարվել առանցքային հարցերին, մասնավորապես Հայաստանի և Ադրբեջանի միջև պետական սահմանի սահմանազատման, Լեռնային Ղարաբաղի ժողովրդի իրավունքների և անվտանգության հարցերի՝ միջազգային մեխանիզմի ներքո հասցեագրման, ինչպես նաև տարածաշրջանում տնտեսական ու տրանսպորտային կապուղիների ապաշրջափակմանն առնչվող հարցերի:   Ուշագրավ Նա նշել է, որ աշխատանքներ են տարվում Ադրբեջանի և ՀՀ միջև խաղաղության համաձայնագրի ստորագրման ուղղությամբ Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ «Մնացած չլուծված հարցերի շուրջ, կարծում եմ, հեշտությամբ կարելի է պայմանավորվել»,- ասել է Նշվել է, որ 15 անձի նկատմամբ հետաքննությունն ավարտվել է։   Ամենաընթերցվողը բաժնում |  Վերջին լուրեր Fastex-ը Երևանում է հյուրընկալում 5-րդ Harmony Meetup-ի web3 մասնագետներին  Պանելային քննարկումների կարմիր թելը «կենտրոնացած է ապակենտրոնացման» վրաԱկբա Լիզինգը գլխամասային նոր գրասենյակ ունի Գլխամասային գրասենյակն ունի անհատական ավտոկայանատեղի, գործնական հանդիպումների համար սրահներ«Ազատություն»․ ՀՀ-ն 10 մլն եվրո կստանա ԵՄ Խաղաղության հիմնադրամից՝ Հունգարիան հանել է արգելանքը Ավելի վաղ հայտնի դարձավ, որ Ադրբեջանին ևս 10 մլն եվրո կհատկացվի՝ ականազերծման համարUcom-ի գլխավոր տնօրենը մասնակցել է Silicon Mountains Shirak տեխնոլոգիական ֆորումին Յիրիկյանի ելույթի թեման էր «Մարդկայինը կամ թվայինը, ո՞րն է առաջնահերթ» |
