Քննչական կոմիտեն ինտենսիվ զբաղվում է գերեվարված արցախցիների հարցով 1 նոյեմբերի 2023 - 16:58 AMT PanARMENIAN.Net - Քննչական կոմիտեն ինտենսիվ զբաղվում է գերեվարված արցախցիների հարցով: Այդ մասին հայտարարել է Քննչական կոմիտեի նախագահ Արգիշտի Քյարամյանն՝ առանց փակագծեր բացելու։ «Կան նաև ոչ բարձրաստիճան պաշտոնյաներ, ովքեր գերեվարված են, և հաստատված է այդ անձանց գերությունը: Մենք շատ ինենիվ զբաղվում ենք և՛ բարձրաստիճան պաշտոնյաների, և՛ մնացած մարդկանց գերեվարման և խոշտանգման, ցանկացած հարցով, որը վերաբերում է մարդկության դեմ ուղղված հանցակազմին», - հայտարարել է Քյարամյանը, տեղեկացնում է «Ազատությունը»։ Թե ինչ վիճակում են Բաքվի բանտերում գտնվող շուրջ երկու տասնյակ անձինք, նրանց ինչ ճակատագիր է սպասում, հստակ չէ: Հայաստանի քննչական կոմիտեի հաղորդմամբ` Ադրբեջանից կողմից Արցախի վրա սեպտեմբերի 19-ի ռազմական հարձակման հետևանքով գերեվարվել է 16 անձ, որոնցից 6-ը զինծառայողներ են, 10-ը՝ քաղաքացիական անձինք։ Ընդ որում, Ադրբեջանը 16-ից միայն 9-ի գերեվարման փաստն է հաստատել։ Գերեվարված 16 անձանց շարքում են նաև արցախցի 8 պաշտոնյաները՝ նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, Ազգային ժողովի նախագահ Դավիթ Իշխանյանը, նախկին պետնախարար Ռուբեն Վարդանյանը, Պաշտպանության բանակի նախկին հրամանատար Լևոն Մնացականյանը, ՊԲ հրամանատարի նախկին տեղակալ Դավիթ Մանուկյանը և նախկին արտգործնախարար Դավիթ Բաբայանը: Գերեվարված մյուս 8 արցախցիների անունները չեն հրապարակվում։ 16 գերիներից բացի, Հայաստանի քննչական կոմիտեն հաղորդել է նաև Արցախից անհետ կորած ևս 12 քաղաքացիական անձի և 30 զինծառայողի մասին: Արդյոք չորս տասնյակից ավելի այս անձինք գերեվարված են, ողջ են, թե՝ ոչ, պարզ չէ։ Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով երկիրը։ Արդյունքում մեկ օր անց՝ սեպտեմբերի 20-ին ԱՀ իշխանություններն ընդունել են ռուսական խաղաղապահ առաքելության հրամանատարության առաջարկը կրակի դադարեցման վերաբերյալ՝ համաձայնվելով Բաքվի պայմաններին՝ ՊԲ զինաթափում և Արցախի Հանրապետության լուծարում։ Սեպտեմբերի 24-ից արցախցիների բռնի տեղահանում է սկսվել, 100,000–ից ավելի մարդ է բռնի տեղահանվել Հայաստան: Ըստ որոշ տվյալների, Արցախում մոտ 40 հայ է մնացել։ Սեպտեմբերի 28–ին ԱՀ նախագահ Սամվել Շահրամանյանը հրամանագիր է ստորագրել ԱՀ լուծարման մասին, որը ուժի մեջ է մտնում 2024–ի հունվարի 1–ից։ Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը Ամենաընթերցվողը բաժնում | ՀՀ և ԱՄՆ միջև զանգվածային ոչնչացման զենքի տարածմանը հակազդելու համաձայնագիրը երկարացվել է 7 տարով Կողմերը պայմանավորվում են համագործակցություն իրականացնել` ուղղված զանգվածային ոչնչացման զենքի տարածմանը հակազդելուն Փաշինյանը՝ Բայդենին․ ՀՀ-ն մեծապես կարևորում է ԱՄՆ դերը տարածաշրջանում խաղաղության հաստատման գործում Նա նշել է, որ վերջին տարիներին երկու երկրների համագործակցությունը զգալի աճել է ՀՀ ԱԳՆ–ն շնորհավորել է Բելառուսի ժողովրդին Անկախության օրվա առթիվ «Մեր շնորհավորանքները Բելառուսի բարեկամ ժողովրդին»,–գրել է Անի Բադալյանը Միրզոյանն ու Կոբախիձեն ընդգծել են՝ ռազմավարական գործընկերության զարգացումը նոր լիցք կհաղորդի փոխգործակցությանը Նրանք քննարկել են նաև տարածաշրջանային անվտանգության հարցեր |