Ախուրյանում «Տիրի» հրացանի կրակոցից վիրավորված 11-ամյա աղջկա վիճակը կայուն ծանր է 1 նոյեմբերի 2023 - 19:15 AMT PanARMENIAN.Net - «Սուրբ Աստվածամայր» ԲԿ է ընդունվել 11-ամյա աղջիկ երեխա, որը տուժել է 13-ամյա տղայի կողմից «ՏԻՐ» տեսակի հրացանից կրակելու հետևանքով։ Երեխան բուժկենտրոն է տեղափոխվել Գյումրու Ավստրիական մանկական հիվանդանոցից, որտեղ հետազոտության արդյունքում նրա մոտ հայտնաբերվել է աջ թոքի հատվածում օտար մարմին, հայտնում ՝ հիվանդանոցի մամուլի ծառայությունը։ «Սուրբ Աստվածամայր» ԲԿ-ում արված համակարգչային շերտագրության արդյունքում պարզվել է, որ նա ունի աջ թոքի սալջարդի աջից երրորդ կողի կոտրվածքի ողի տարածությունում օտար մարմին՝ փամփուշտ, ինչպես նաև՝ կրծքավանդակի փափուկ հյուսվածքների սալջարդ: Աջ պլևրալ խոռոչի դրենավորումից հետո խորհուրդ է տրվել մնալ հսկողության տակ։ Վիրահատական միջամտության կարիք այս պահին չկա։ Վիճակն այս պահին գնահատվում է ծանր, բայց կայուն»,–ասվում է հաղորդագրության մեջ։ Հոկտեմբերի 31-ին Ախուրյանում 13-ամյա անչափահաս տղան կրակել է ՏԻՐ–ի հրացանով, ինչի հետևանքով մետաղյա փամփուշտը դիպել է համագյուղացի 11-ամյա աղջկան: Երեխան տեղափոխվել է Ավստրիական մանկական հիվանդանոց, այնտեղից սանավիացիայով` Երևանի «Սուրբ Աստվածամայր» ԲԿ, հայտնում է Sputnik Արմենիան։ Ախուրյան համայնքի ղեկավար Զավեն Մանուկյանը որոշ մանրամասներ էր հայտնել։ Նրա խոսքով՝ դեպքը տեղի է ունեցել խաղահրապարակում: «Տղա երեխան ծնողներից թաքուն ՏԻՐ–ի հրացանը վերցրել, տանից դուրս է եկել: Խաղահրապարակում ուզել է կրակել ու կպել է խաղընկերուհուն: Երեխաները մշտապես այդ խաղահրապարակում են խաղում, նաև նույն դպրոցում են սովորում»,-նշել էր նա։ Մանուկյանը վստահեցրել էր, որ դեպքի պատճառով համայնքում երկու ընտանիքների միջև վիճաբանություն չի առաջացել։   Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը   Ամենաընթերցվողը բաժնում |  Վերջին լուրեր ՀՀ և ԱՄՆ միջև զանգվածային ոչնչացման զենքի տարածմանը հակազդելու համաձայնագիրը երկարացվել է 7 տարով  Կողմերը պայմանավորվում են համագործակցություն իրականացնել` ուղղված զանգվածային ոչնչացման զենքի տարածմանը հակազդելունՓաշինյանը՝ Բայդենին․ ՀՀ-ն մեծապես կարևորում է ԱՄՆ դերը տարածաշրջանում խաղաղության հաստատման գործում Նա նշել է, որ վերջին տարիներին երկու երկրների համագործակցությունը զգալի աճել էՀՀ ԱԳՆ–ն շնորհավորել է Բելառուսի ժողովրդին Անկախության օրվա առթիվ «Մեր շնորհավորանքները Բելառուսի բարեկամ ժողովրդին»,–գրել է Անի ԲադալյանըՄիրզոյանն ու Կոբախիձեն ընդգծել են՝ ռազմավարական գործընկերության զարգացումը նոր լիցք կհաղորդի փոխգործակցությանը Նրանք քննարկել են նաև տարածաշրջանային անվտանգության հարցեր |
