 Թեհրանը ողջունել է Երևանի և Բաքվի` կալանավորներին ազատ արձակելու համատեղ հայտարարությունը 11 դեկտեմբերի 2023 - 15:46 AMT PanARMENIAN.Net - Իրանի ԱԳ նախարարության խոսնակ Նասսեր Քանաանին ամենօրյա ճեպազրույցի ընթացքում հայտարարել է, որ Թեհրանը ողջունում է Երևանի և Բաքվի համատեղ հայտարարությունը կալանավորներին ազատ արձակելու վերաբերյալ։ Իրանցի պաշտոնյայի գնահատմամբ՝ Հայաստանի ու Ադրբեջանի ղեկավարների աշխատակազմի միջև ձեռք բերված պայմանավորվածությունը «դրական իրադարձություն» է, հայտնում է «Ազատությունը»։ «Կայուն խաղաղության հասնելու համար անհրաժեշտ է ամրապնդել խաղաղության լեզուն և վստահության մթնոլորտը տարածաշրջանի երկրների միջև, և մենք հուսով ենք, որ այդ միջոցառումների շնորհիվ կողմերին կհաջողվի հասնել խաղաղության և կայունության։ Իրանը պատրաստ է օգնել երկու կողմին հանուն տարածաշրջանային խաղաղության և անվտանգության»,- հայտարարել է Իրանի դիվանագիտական գերատեսչության խոսնակը։ Դեկտեմբերի 7–ին հայտնի դարձավ, որ ՀՀ վարչապետի աշխատակազմը և Ադրբեջանի նախագահի վարչակազմի համատեղ հայտարարություն են տարածել, որի համաձայն Բաքուն կազատի 32, Երևանը՝ 2 զինծառայողի, կողմերը վստահության կառուցման քայլեր կձեռնարկեն։ Նշվում է, որ կողմերը համակարծիք են, որ տարածաշրջանում վաղուց սպասված խաղաղության հասնելու պատմական հնարավորություն կա: Երկու պետությունները վերահաստատում են ինքնիշխանության և տարածքային ամբողջականության սկզբունքների հարգման հիման վրա հարաբերությունները կարգավորելու և խաղաղության պայմանագրի կնքմանը հասնելու իրենց մտադրությունը: Photo. AP   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
