Ալիև․ Խաղաղության հնարավոր կլինի հասնել, եթե Հայաստանը փոփոխի Սահմանադրությունը 1 փետրվարի 2024 - 15:43 AMT PanARMENIAN.Net - Ադրբեջանի նախագահ Իլհամ Ալիևը հայտարարել է, թե խաղաղության հնարավոր կլինի հասնել, եթե Հայաստանը փոփոխություններ կատարի Սահմանադրության մեջ և «հրաժարվի Ադրբեջանի հանդեպ տարածքային պահանջներից»։ Այդ մասին Ալիևն ասել է Բաքվում Միջխորհրդարանական միության գլխավոր քարտուղար Մարտին Չունգոնգի հետ հանդիպմանը։ Ալիևը նաև ասել է, թե Ադրբեջանի և Հայաստանի միջև արդեն դե–ֆակտո խաղաղություն կա և արդեն մի քանի ամիս է՝ երկու երկրի սահմաններին խաղաղ իրավիճակ է։ «Բայց այդ գործընթացը տրամաբանական ավարտին հասցնելու համար անհրաժեշտ է խաղաղության պայմանագիր ստորագրել և վերջ դնել Հայաստանի տարածքային պահանջներին Ադրբեջանից»,–ասել է նա, գրում է Interfax-ը։ Ալիևը հավելել է, որ Հայաստանի Անկախության հռչակագիրը ՀՀ հետ Ղարաբաղի տարածաշրջանի միացման և Ադրբեջանի տարածքային ամբողջականության խախտման ուղիղ կոչեր է պարունակում, իսկ այդ փաստաթղթի վրա հղումներ կան նաև ՀՀ Սահմանադրության մեջ։ «Բացի այդ, ՀՀ մյուս իրավական և նորմատիվ փաստաթղթերում ևս կան Ադրբեջանի հանդեպ տարածքային պահանջներ, բազմաթիվ կոնվենցիաներում, որոնց միացել է Հայաստանը, և այլ փաստաթղթերում բազմաթիվ վերապահումներ կան, որոնք չեն ճանաչում Ադրբեջանի ինքնիշխանությունը Ղարաբաղի հանդեպ»,–ասել է նա։ Նոր Սահմանադրություն ունենալու մասին վարչապետ Նիկոլ Փաշինյանը խոսել է հունվարի 19-ին՝ պնդելով, որ Հայաստանը կարիք ունի նոր Սահմանադրության, ոչ թե սահմանադրական փոփոխությունների։ «Մենք պետք է ունենանք Սահմանադրություն, որը Հայաստանի Հանրապետությունն ավելի մրցունակ և ավելի կենսունակ է դարձնում աշխարհաքաղաքական և ռեգիոնալ նոր պայմաններում», - հայտարարել է նա։ Հայաստանի Սահմանադրության նախաբանում հղում է արվում Անկախության հռչակագրին, որտեղ հիշատակում կա Արցախի և Հայաստանի վերամիավորման մասին։ Ընդդիմությունը համոզված է, որ Բաքուն Երևանից պահանջում է Հայաստանի մայր օրենքից հանել հենց այդ դրույթը։ Ուշագրավ Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ «Մնացած չլուծված հարցերի շուրջ, կարծում եմ, հեշտությամբ կարելի է պայմանավորվել»,- ասել է Նշվել է, որ 15 անձի նկատմամբ հետաքննությունն ավարտվել է։ «Դեռևս վաղ է այդ մասին խոսելը»,–ասել է նա | ՀՀ-ն և Զարգացման ֆրանսիական գործակալությունը 75 մլն եվրոյի վարկային համաձայնագիր են ստորագրել Ծրագրի նպատակն է աջակցել Հայաստանի կառավարությանը ՆԱՏՕ–ի նոր ղեկավար է նշանակվել Մարկ Ռյուտտեն Նա պաշտոնը կստանձնի հոկտեմբերին 2025–ին Ճապոնիայում առաջին Թումո կենտրոնը կբացվի Կենտրոնը 21-րդ դարի հմտություններով կապահովի 1000 պատանիների ԵՄ–ն լրացուցիչ 10 մլն եվրո կհատկացնի Ադրբեջանին ականազերծման համար Գումարը կտրամադրվի 2024-2025թթ․ համար |