ՌԴ ՊՆ ղեկավար․ Հատկապես մտահոգիչ են Վաշինգտոնի և Բրյուսելի պլանները մեր հայ գործընկերների մասով![]() 31 մայիսի 2024 - 17:45 AMT PanARMENIAN.Net - ՌԴ նորանշանակ ՊՆ ղեկավար Անդրեյ Բելոուսովը հայտարարել է, որ ՆԱՏՕ-ն ու ԵՄ-ն Ռուսաստանի հետ իրենց առճակատման կուրսով լարվածության աճ են առաջացնում Վրաստանում, ինչպես նաև հայ-ադրբեջանական հարաբերություններում։ Նա նաև ասել է, թե հատկապես մտահոգիչ են Վաշինգտոնի և Բրյուսելի պլանները, անվտանգության և պաշտպանունակության ամրապնդման պատրվակով, հայ գործընկերներին իրենց շահերի ոլորտ ներքաշելու առումով, գրում է ՏԱՍՍ–ը։ Նա հավելել է, որ «Հայաստանին ու Ադրբեջանին հակասությունների կարգավորման համար պարտադրվում են միջնորդական ջանքեր»։ «Առաջարկվում է խաղաղության պայմանագիր կնքել բացառապես արևմտյան հարթակներում և նրանց թելադրմամբ»,–ասել է Բելոուսովը։ «ՆԱՏՕ–ի առանձին երկրներ փորձում են իրենց դիրքերն ամրապնդել Կովկասում, դրանով իսկ հասանելիություն ստանալով Կասպից ծովի ռեսուրսներին և ուղիղ ելք դեպի Կենտրոնական Ասիա։ Ապակայունացվում է իրավիճակը և ֆինանսավորվում են բողոքի ակցիաները Վրաստանում, որոց ցանկանում են ակտիվ հակառուսական գործողությունների հասնել»,–ասել է Բելոուսովն Ալմաթիում ընթացող ՀԱՊԿ անդամ երկրների ՊՆ ղեկավարների նիստում։ Հայաստանը չի մասնակցում մայիսի 31–ին Ալմաթիում մեկնարկած ՀԱՊԿ պաշտպանության նախարարների խորհրդի նիստին։ Այդ մասին հայտարարել է կազմակերպության քարտուղարության ներկայացուցիչ Յուրի Շուվալովը։ Նա հավելել է, որ թեև ՀՀ–ն չի մասնակցում նիստին, սակայն, չի առարկում սահմանափակ ձևաչափով որոշումների ընդունմանը։ Հայաստանի իշխանությունը բազմիցս մեղադրել է ՀԱՊԿ-ին և Ռուսաստանին իրենց պարտավորությունները չկատարելու մեջ։ ՀՀ վարչապետ Նիկոլ Փաշինյանը հայտարարել է, որ ՀՀ–ն սառեցրել է իր մասնակցությունը ՀԱՊԿ–ին և չի բացառել, որ Հայաստանը կարող է դուրս գալ ՀԱՊԿ–ից։ ![]() ![]() «Դեռևս վաղ է այդ մասին խոսելը»,–ասել է նա Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության ![]() ![]() | ![]() ![]() ![]() ![]() ![]() ![]() ![]() ![]() |