Լեմկինի ինստիտուտը կոչ է արել ՄԱԿ-ին չեղարկել Ադրբեջանի՝ որպես COP29–ի ընդունող երկիր լինելու որոշումը 6 հունիսի 2024 - 13:55 AMT PanARMENIAN.Net - Ցեղասպանությունների կանխարգելման Լեմկինի անվան ինստիտուտը ՄԱԿ-ին կոչ է արել դադարեցնել աջակցությունն Ադրբեջանին՝ ՄԱԿ–ի կլիմայի փոփոխության 29-րդ համաժողովի`COP 29–ի անցկացման հարցում։ Այդ մասին ասվում է ինստիտուտի հայտարարության մեջ։ Ինստիտուտը նման կոչով է հանդես եկել՝ հաշվի առնելով «Լեռնային Ղարաբաղում Ադրբեջանի ցեղասպան ռազմավարությունը, այդ երկրի նախագահ Իլհամ Ալիևի ցեղասպան ու հայատյաց գաղափարախոսությունը, ինչպես նաև երկրում կոռուպցիայի ու մարդու իրավունքների լայնածավալ ոտնահարումները»: Նշվում է, որ Ադրբեջանի, որպես COP հյուրընկալող երկրի ընտրությունը, օրինականացնում, ռացիոնալացնում ու նորմալացնում է ցեղասպանությունը համաշխարհային քաղաքականության մեջ: Ասվում է նաև, որ ՄԱԿ-ը պետք է չեղարկի Ադրբեջանի ընտրությունը՝ որպես COP29-ի կազմակերպիչ, այնուհետև կամ գտնի մեկ այլ հյուրընկալող երկիր, կամ էլ կոնֆերանսն անցկացնի Գերմանիայի Բոնն քաղաքում, որտեղ էլ այս պահին անցկացվում է COP-ի նախնական հանդիպումը։ «Ադրբեջանն ընտրվել է COP29-ը հյուրընկալող երկիր 2023–ի դեկտեմբերին․ այսինքն, 3 ամիս չանցած այն իրողությունից, երբ այդ երկիրը էթնիկ զտումների միջոցով կազմակերպեց ցեղասպանություն՝ ԼՂ տարածաշրջանի (Արցախի) հայերի նկատմամբ, իսկ դրանից առաջ էլ 10 ամիս շարունակ ցեղասպանական շրջափակման ենթարկելով տարածքի բնակչությանը»,–ասվում է հայտարարության մեջ։ Նշվում է, որ Ադրբեջանը շարունակում է ապօրինի կալանքի տակ պահել հայ ռազմագերիներին, քաղաքացիական անձանց և ժողովրդավարական ճանապարհով ընտրված Արցախի կառավարության անդամներին, այդ թվում՝ Ռուբեն Վարդանյանին՝ միջազգային մարդասիրական գործչին, որը «Ավրորա» մարդասիրական նախաձեռնության համահիմնադիրն է: «Ադրբեջանի և Ալիևի վարչակարգի գործողությունները կլիմայի պահպանման հարցերում ուղղակիորեն հակասում են COP29 համաժողովի հիմքում ընկած հիմնարար սկզբունքներին»,–ասվում է հայտարարության մեջ։ 2023–ի դեկտեմբերի 7–ին հայտնի դարձավ, որ ՀՀ վարչապետի աշխատակազմը ե Ադրբեջանի նախագահի վարչակազմի համատեղ հայտարարություն են տարածել, որի համաձայն Բաքուն կազատի 32, Երեանը՝ 2 զինծառայողի, կողմերը վստահության կառուցման քայլեր կձեռնարկեն։ Նշվում էր, որ COP 29-րդ համաժողովի անցկացնելու հայտը զիջվում է Բաքվին։ Ուշագրավ Նա նշել է, որ աշխատանքներ են տարվում Ադրբեջանի և ՀՀ միջև խաղաղության համաձայնագրի ստորագրման ուղղությամբ Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ «Մնացած չլուծված հարցերի շուրջ, կարծում եմ, հեշտությամբ կարելի է պայմանավորվել»,- ասել է Նշվել է, որ 15 անձի նկատմամբ հետաքննությունն ավարտվել է։ | Արման Սահակյանը վերականգնել է պետությանը պատճառած 178 մլն դրամի վնասը Քրեական վարույթով նախաքննությունն ավարտվել է Սիմոնյանը՝ ՍԾՏՀԿ գլխավոր քարտուղարին․ Կարևորում ենք տարածաշրջանային գործակցությունը ԱԺ նախագահը ներկայացրել է «Խաղաղության խաչմերուկ» նախագիծը Բաքուն Շուշիում Թյուրքական պետությունների կազմակերպության գագաթնաժողով կանցկացնի․ Էրդողանն էլ է մասնակցելու Հրապարակվել է գագաթնաժողովի ծրագիրը Viva. Հայաստանի տեխնոլոգիական առաջատար ընկերությունն իր հաճախորդներին ներկայանում է նորացված ապրանքային նշանով Viva-ն նշանավորում է թվային ծառայությունների որակապես նոր մակարդակը |