Ավինյան․ Միասնական տոմսային համակարգի ներդրումը կտեղափոխվի 2025-ի հունվարի 1 25 հունիսի 2024 - 15:59 AMT PanARMENIAN.Net - Երևանի քաղաքապետ Տիգրան Ավինյանն ավագանու նիստում հայտարարել է, որ հանրային տրանսպորտի միասնական տոմսային համակարգի ներդրման ժամկետի հետաձգումը պայմանավորված է նրանով, որ 171 նոր ավտոբուսն ու տրոլեյբուսն ամբողջությամբ չեն ներկրվել։ Նա նշել է, որ որոշակի տեխնիկական լուծումներ ապահովելու համար է առաջարկվել համակարգի ներդրման ժամկետը տեղափոխել մինչև հունվարի 1-ը, հայտնում է Արմենպրեսը։ Ավինյանն ասել է, որ հանրային տրանսպորտի նոր շարժակազմերը Երևանում կլինեն հոկտեմբերին: «Շարժակազմերը նախատեսվում է ստանալ հոկտեմբերին: Ձևակերպումներ իրականացնելու, դրանք գծեր մտցնելու և որոշակի տեխնիկական լուծումներ ապահովելու համար է ընդամենը առաջարկվել ժամկետը (նկատի ունի միասնական տոմսային համակարգի ներդրման – խմբ.) տեղափոխել հունվարի 1-ին: Վստահաբար՝ նոյեմբերի 1-ին էլ, դեկտեմբերի 1-ին էլ կհասցնեինք: Այդ 1-2 ամսում կարելի է ասել հնարավորություն է տրվում կատարելու հնարավոր բոլոր ծրագրային շտկումները, որպեսզի հունվարի 1-ից ամբողջական և անթերի ներդրվի միասնական տոմսային համակարգը»,- պարզաբանել է քաղաքապետը: Երևանում միասնական տոմսային համակարգի ներդրումը նախատեսվում էր սեպտեմբերի 1-ից: Այնուհետև հայտարարվեց, որ համակարգի ներդրումը կհետաձգվի 1-2 ամսով, մինչև նոյեմբեր։ Ուժի մեջ մտնող նախագծով 1 ամիս անսահմանափակ երթևեկելու համար պետք է վճարել 8800 դրամ, երեք ամսվա համար անսահմանափակ երթևեկելու համար՝ 23 հազար 600 դրամ, իսկ մեկ տարի անսահմանափակ երթևեկելու համար՝ 88 հազար դրամ:   Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը   Ամենաընթերցվողը բաժնում |  Վերջին լուրեր Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները  Անդրադարձ է կատարվել տարածաշրջանային թեմաներինՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համարԼոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտըՄիրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |
