  ՀՀ ԱԳՆ․ Բաքուն է մերժել երկկողմ հանդիպման հայկական կողմի առաջարկը 18 հուլիսի 2024 - 15:15 AMT PanARMENIAN.Net - Հայկական կողմն առաջարկել է Հայաստանի վարչապետի և Ադրբեջանի նախագահի երկկողմ հանդիպում ունենալ ՄԹ–ում ընթացող Եվրոպական քաղաքական համայնքի գագաթաժողովի շրջանակներում, սակայն ադրբեջանական կողմը մերժել է առաջարկը։ Այդ մասին ասվում է ՀՀ ԱԳՆ խոսնակ Անի Բադալյանի հայտարարության մեջ։ Նշվում է, որ հայկական կողմի առաջարկն ուժի մեջ է: «Հայկական կողմը նաև վերահաստատում է իր առաջարկը` ինտենսիվացնել բարձր և բարձրագույն մակարդակով բանակցությունները և մեկ ամսվա ընթացքում հասնել խաղաղության պայմանագրի ստորագրմանը»,–ասվում է հաղորդագրության մեջ։ Ավելի վաղ ադրբեջանական կողմը հայտարարել էր, որ ՀՀ վարչապետ Նիկոլ Փաշինյանն է հրաժարվել Լոնդոնում հանդիպել Ադրբեջանի նախագահ Իլհամ Ալիևի հետ: Այդ մասին հայտարարել էր Ադրբեջանի նախագահի օգնական, աշխատակազմի արտաքին քաղաքականության գծով բաժնի վարիչ Հիքմետ Հաջիևը։ Ըստ Հաջիևի՝ բրիտանական կողմն առաջարկել էր անցկացնել հանդիպումը «Մյունխենի անվտանգության կոնֆերանսի ժամանակ կայացած Ադրբեջանի նախագահի և ՀՀ վարչապետի հանդիպման ձևաչափով, սակայն հայկական կողմը հրաժարվեց դրանից»։ Հայաստանի վարչապետը և Ադրբեջանի նախագահը վերջին անգամ հանդիպել են 2024-ի փետրվարի 17–ին Մյունխենում՝ Գերմանիայի կանցլեր Օլաֆ Շոլցի նախաձեռնությամբ։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
