 Ալիևը Շոլցի հետ խոսել է ՀՀ սահմանադրության «փոփոխության անհրաժեշտության մասին» 19 հուլիսի 2024 - 13:15 AMT PanARMENIAN.Net - Ադրբեջանի նախագահ Իլհամ Ալիևը Լոնդոնում ընթացող Եվրոպական քաղաքական համայնքի 4-րդ գագաթնաժողովի շրջանակում Գերմանիայի կանցլեր Օլաֆ Շոլցի հետ հանդիպման ժամանակ խոսել է ՀՀ Սահմանադրության «փոփոխության անհրաժեշտության մասին»։ Ալիևն ասել է, թե Ադրբեջանը կողմ է Հայաստանի հետ խաղաղության օրակարգին, խաղաղության պայմանագրի շուտափույթ ստորագրմանը, սակայն դրա համար, առաջին հերթին «անհրաժեշտ է, որ Հայաստանը փոխի Սահմանադրության այն դրույթները, որոնք Ադրբեջանի տարածքային ամբողջականության դեմ նկրտումներ են պարունակում և նախատեսում են Ղարաբաղի տարածաշրջանի միավորումը Հայաստանի հետ»։ Նա նշել է, որ այդ հարցերը քննարկվել են նաև Վաշինգտոնում ԱՄՆ պետքարտուղար Էնթոնի Բլինքենի աջակցությամբ տեղի ունեցած երկու երկրների ԱԳ նախարարների հանդիպման ժամանակ, հայտնում է Haqqin.az-ը։ Ալիևը հատուկ նշել է Ադրբեջանի և ՀՀ միջև սահմանազատման հարցում արձանագրված հաջողությունները և հայտնել է «սահմանազատման հետ կապված գործընթացի վերաբերյալ փաստաթղթի համաձայնեցման մասին» և հավելել է, որ այդ գծով գործընթացը կշարունակվի։ ԱՄՆ պետդեպարտամենտի խոսնակ Մեթյու Միլլերը ճեպազրույցում հայտարարել է, որ Հայաստանն ու Ադրբեջանը մեծ առաջընթաց են գրանցել բանակցություններում, սակայն, խաղաղության պայմանագիրը կողմերից «պահանջում է ծանր փոխզիջումներ»: Միլլերը հավելել է, որ ԱՄՆ–ն կշարունակի դրդել կողմերին իրենց տարաձայնությունների վերջնական հանգուցալուծման և համաձայնության հասնելուն։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
