Ավինյան. Աղբահանության հետ կապված խնդիրը մոտ ժամանակներս կլուծվի

Ավինյան. Աղբահանության հետ կապված խնդիրը մոտ ժամանակներս կլուծվի

PanARMENIAN.Net - Երևանի քաղաքապետ Տիգրան Ավինյանը մամուլի ասուլիսում նշել է, որ ամառային սեզոնին Երևանի քաղաքապետարանը ունեցել է որոշակի խնդիրներ աղբահանության հետ կապված, որոնք մոտ ժամանակներս կլուծվեն։

Նա հավելել է, որ այս սեզոնին գրեթե ամեն տարի խնդիրներ են լինում, գրում է Արմենպրեսը։

«Աղբահանության ոլորտում ունեցել ենք որոշակի խնդիրներ՝ այս սեզոնի հետ կապված։ Այս սեզոնին գրեթե ամեն տարի խնդիրներ առկա են։ Ախտորոշել ենք խնդիրները, ձեռք ենք բերել 8 նոր հատուկ տեխնիկա, 9 շարժիչ, որոնք պետք է նախկինում խոտանված տեխնիկայի վրա տեղադրվեն։

Օգոստոսին չինական արտադրության 6 աղբատար մեքենաներով կհամալրենք ավտոպարկը։ Մեր գնահատմամբ՝ մոտակա ժամանակներս այս խնդիրը լուծված կլինի»,- նշել է Ավինյանը։

 Ուշագրավ
Պատճառը Մերձավոր Արևելքում հակամարտության սրացումն է
Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ
Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը
Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման
---