Լրացուցիչ 1.945 մլրդ դրամ՝ «Ինժեներեկան քաղաքի» կառուցմանը
Կառավարությունը «Ինժեներական քաղաքի» կառուցման համար լրացուցիչ 1 մլրդ 945 մլն դրամ կհատկացնի։ Որոշումն ընդունվել է նիստի ժամանակ։
Հատկացվող գումարը կտրամադրվի «Թվային փոխակերպման գործընթաց» ծրագրի չօգտագործված միջոցներից։
Բարձր տեխնոլոգիական արդյունաբերության նախարար Մխիթար Հայրապետյանը, ներկայացնելով նախագիծը, նշել է, որ մայիսի 31–ին ավարտվել է Համաշխարհային բանկի ֆինանսավորումը և անհրաժեշտություն է առաջացել ֆինանսական միջոցներ հատկացնել հետագա աշխատանքների ու սարքավորումների ձեռքբերման համար։
Ինժեներական քաղաքում տեղակայված են ՏՏ և էլեկտրոնիկայի ոլորտի մի շարք ընկերություններ, կառուցվում են հետազոտական լաբորատորիաներ։ «Ինժեներական քաղաք» ծրագրի իրականացման գլխավոր օպերատոր է ճանաչվել «Ձեռնարկությունների ինկուբատոր» հիմնադրամը։
