Քոչարյան. Գրիգոր Մինասյանը շատ վտանգավոր բան է ասել, պետք է բացատրություն տա 27 սեպտեմբերի 2024 - 16:24 AMT PanARMENIAN.Net - «Քաղաքացիական պայմանագիր» խմբակցության պատգամավոր Անդրանիկ Քոչարյանն ԱԺ-ում լրագրողների հետ զրույցում, անդրադառնալով Սիրվարդ Գևորգյանի հրաժարականի վերաբերյալ արդարադատության նախարար Գրիգոր Մինասյանի գրառմանը, ասել է, թե վերջինս շատ վտանգավոր բան է ասել՝ պետք է գա ու բացատրություն տա։ «Ես կուզեի, որ Գրիգոր Մինասյանը Սահմանադրություն կարդա, արդարադատության նախարարը Սահմանադրություն չի կարդացել և չգիտի, որ պատգամավորները խժդժություններով չեն զբաղվում, նրանք սահմանադրությամբ իրենց վերապահված լիազորություններ են իրացնում»,–ասել է նա, հայտնում է «Փաստինֆոն»։ Մինասյանը փոխնախարար էր նշանակել Սիրվարդ Գևորգյանին, որը եղել է ՀՀ երկրորդ նախագահ Ռոբերտ Քոչարյանի դստեր համակուրսեցին։ Սոցցանցերում վերջերս լուսանկար էր շրջանառվում, որտեղ նրա ձեռքում Քոչարյանի գիրքն է։ Բարձարցած աղմուկից հետո Գևորգյանը հրաժարական է տվել։ Արձագանքելով դրան՝ Մինասյանն իր ֆեյսբուքյան էջում գրել էր, որ առանձին անհատների չափազանց անարդար ու մանրախնդիր հարձակումների պատճառով նախարարությունը և պետական համակարգը կորցրեց իրապես արժեքավոր մասնագետի ու կառավարչի, իսկ «պառլամենտարիզմի լավագույն դրսևորումը կլինի նման խարդավանքների համար քաղաքական հասցեական պատասխանատվությունը»: «Ես կարծում եմ, որ որևէ մեկի համար գաղտնիք չէ, որ մեր ժողովուրդը դժգոհ է երկրում արդարադատության ռեֆորմների ընթացքից ու բովանդակությունից, կադրային քաղաքականությունից։ Պարոն Մինասյանը շատ վտանգավոր հայտարարություն է արել, նա ԱԺ պատգամավորներին մեղադրում է խարդավանքների մեջ, սա Սահմանադրական կարգի հետ կապված տեքստ է։ Կարծում եմ, եթե պարոն Մինասյանը, եթե մնալու է նախարար՝ պետք է գա ու այստեղ բացատրություն տա, թե ով է խարդավանքով զբաղվում։ Կհրավիրենք, եթե պետք լինի»,–ասել է Քոչարյանը։ Այն հարցին, թե տեսնո՞ւմ է նրա հրաժարականի կարիք, պատգամավորը պատասխանել է, որ անգամ փոխնախարարի հրաժարականի կարիք չէր տեսնում։ «Կարող է էլի հրաժարականներ լինեն, դա ԱԺ-ի քննելիք հարցը չէ, բայց Գրիգոր Մինասյանը իրավունք չունի պատգամավորի արած գործողությանը որակավորում տա»,–ասել է նա։ ՔՊ–ական պատգամավորների շրջանում ստորագրահավաք է սկսվել Մինասյանին պաշտոնանկ անելու համար վարչապետին դիմում ներկայացնելու օգտին։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
