 17-23 տարեկան երիտասարդները Տելեգրամով թմրանյութ են գնել 22 հունվարի 2025 - 11:41 AMT PanARMENIAN.Net - Համայնքային ոստիկանության Մարտունու բաժնի ծառայողները, ստանալով օպերատիվ տվյալներ, Երանոս բնակավայրի անտառամերձ տարածքում հայտնաբերել և, մեքենայով հանդերձ, ապօրինի թմրանյութ պահելու և օգտագործելու կասկածանքով բաժին են տեղափոխել Ծովասար գյուղի երեք երիտասարդի՝ 17, 21 և 22 տարեկան։ 21-ամյա վարորդը հայտնել է, որ «Տելեգրամ» հավելվածի միջոցով գնել է թմրանյութ, որը վերցրել է ընկերների հետ նշված վայրից։ Սակայն, նկատելով ոստիկաններին, թմրանյութը նետել է ճանապարհին։ Այնուհետև նույն վայրում գտնելով այն՝ ներկայացրել է իրավապահներին կանեփանման զանգվածը։ Մեկ այլ օպերատիվ տվյալ իրացնելով՝ Մարտունու համայնքային ոստիկանները Ներքին Գետաշեն բնակավայրում հայտնաբերել և, մեքենայով հանդերձ, բաժին են ներկայացրել 17 և 23 տարեկան երկու համագյուղացու՝ ապօրինի թմրանյութ ձեռք բերելու, պահելու և օգտագործելու կասկածանքով։ 23-ամյա վարորդը հայտնել է, որ գրպանում ունի մարիխուանայով լցված կաթուցիչ։ Նա ձերբակալվել է, և խուզարկության ընթացքում նրա գրպանում հայտնաբերվել է նշված կաթուցիչը։ Հետագա միջոցառումների արդյունքում ոստիկանները պարզել են թմրանյութի մատակարարման աղբյուրը։ Հրազդան քաղաքի 28-ամյա բնակիչը հայտնաբերվել և ձերբակալվել է։ Կազմված նյութերը փոխանցվել են Մարտունու քննչական բաժին, իսկ դեպքի մանրամասները պարզվում են։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
