Փաշինյանը Դավոս կմեկնի հունվարի 23–ին
Վարչապետ Նիկոլ Փաշինյանը հունվարի 23–ին կմեկնի Դավոս՝ մասնակցելու Համաշխարհային տնտեսական ֆորումին։ Այդ մասին հայտնել է վարչապետի մամուլի քարտուղար Նազելի Բաղդասարյանը, տեղեկացնում է «Ազատությունը»։
Վարչապետը Դավոսում մասնակցելու է պանելային քննարկումների։
Մինչ մեկնելը՝ հունվարի 22–ին նա կմասնակցի ԱԺ-կառավարություն հարցուպատասխանին։
Դավոսում է նաև Ադրբեջանի նախագահ Իլհամ Ալիևը։ Հայաստանի վարչապետի հանդիպումների, այդ թվում՝ Փաշինյան- Ալիև հնարավոր բանակցությունների մասին Երևանը չի հաղորդել։
