  ԵՄ 27 երկրի դեսպանները կասեցրել են առանց վիզայի ռեժիմը Վրաստանի դիվանագետների համար 24 հունվարի 2025 - 17:50 AMT PanARMENIAN.Net - Եվրամիության 27 երկրի մշտական ներկայացուցիչները որոշել են ժամանակավորապես դադարեցնել Վրաստանի դիվանագիտական անձնագրեր ունեցող անձանց համար առանց վիզայի ռեժիմը։ ԵՄ Խորհրդի պատվիրակություններից մեկի աղբյուրը հաստատել է այդ տեղեկատվությունը, հայտնում է ՏԱՍՍ-ը։ «Այո, մշտական ներկայացուցիչներն այսօր առավոտյան համաձայնության եկան դադարեցնել դիվանագիտական անձնագրերի համար նախատեսված առանց վիզայի ռեժիմը Վրաստանի համար»,- նշել է աղբյուրը։ Դիվանագետի խոսքով՝ այս որոշումը պետք է պաշտոնապես հաստատվի ԵՄ Խորհրդի կողմից, ինչը կարող է տեղի ունենալ 27 երկրի արտաքին գործերի նախարարների առաջիկա հանդիպման ժամանակ, որը նախատեսված է հունվարի 27-ին։ Դեկտեմբերի 20-ին Եվրամիությունը պաշտոնապես առաջարկել էր դադարեցնել առանց վիզայի ռեժիմը վրացի պաշտոնյաների և դիվանագետների համար՝ վկայակոչելով երկրում աճող դիվանագիտական խնդիրները։ 2024-ի հոկտեմբերի 26-ին Վրաստանում կայացած խորհրդարանական ընտրությունները խորացրել են ներքաղաքական լարվածությունը։ Ըստ Կենտրոնական ընտրական հանձնաժողովի պաշտոնական տվյալների՝ իշխող «Վրացական երազանք - Ժողովրդավարական Վրաստան» կուսակցությունը ստացել է ձայների 53.93%-ը՝ 150 մանդատներից ստանալով 89-ը։ Սակայն չորս ընդդիմադիր կուսակցություններ, որոնք հաղթահարել էին 5%-անոց շեմը, չեն ընդունել ընտրությունների արդյունքները՝ պնդելով, որ դրանք կեղծվել են։ Նոյեմբերի 4-ից ընդդիմության առաջնորդները բողոքի ակցիաներ են կազմակերպում։ Photo. AP   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
