Փաշինյան․ Եկեղեցին չպետք է միջամտի պետության գործերին 25 հունվարի 2025 - 14:18 AMT PanARMENIAN.Net - Վարչապետ Նիկոլ Փաշինյանը Շվեյցարիայի հայ համայնքի ներկայացուցիչների հետ հանդիպման ընթացքում անդրադարձել է պետության և եկեղեցու փոխհարաբերություններին։ Նա նշել է, որ այս հարաբերությունները հիմնականում համապատասխանում են անհրաժեշտ չափանիշներին՝ չնայած որոշ նրբությունների։ «Կարծում եմ, որ պետության և եկեղեցու հարաբերությունները, մեծ պատկերի մեջ, մի շարք նրբություններ հաշվի չառնելով, այնպիսինն են, ինչպիսին պետք է լինեն։ Պետությունը պետք է չխառնվի եկեղեցու գործերի մեջ, եկեղեցին պետք է չխառնվի պետության գործերի մեջ»,–ասել է նա, գրում է Auroranews.am-ը։ Նա հավելել է, որ 2018-ից, երբ որ հեղափոխություն է եղել, շատերն իրենից պահանջում էին, ասում էին, թե ՀՀ-ում պետք է Հայ Առաքելական եկեղեցին ունենա նոր կաթողիկոս։ «Հրապարակային էլ եմ ասել, ասել եմ ժողովուրդ կառավարության ինչ գործն է՝ կաթողիկոսը ով պետք է լինի, որովհետև կաթողիկոսը նախ Ամենայն Հայոց կաթողիկոս է, իմ ինչ գործն է։ Իմ կարծիքով եկեղեցին պետք է լինի թափանցիկ։ Մենք պետությունում ունենք այդ օրենքը, երբ որ ինչ-որ բան ես վաճառում պետք է տաս ՀԴՄ կտրոն, որը օրենք է։ Հարց է՝ իսկ եթե վաճառում ես մոմ, ինչի պետք է չտաս ՀԴՄ կտրոն»,- ասել է Փաշինյանը։ Վարչապետը կարևորել է եկեղեցու թափանցիկությունը և ընդգծել, որ օրենքի կիրառումը պետք է համընդհանուր լինի՝ անկախ վաճառվող ապրանքից։ Փաշինյանը Շվեյցարիայի հայ համայնքի հետ հանդիպմանը խոսել է «Իրական Հայաստանի» ռազմավարության մասին:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
