Պետական եկամուտների կոմիտեի նախագահ Էդուարդ Հակոբյանը և Իրանի դեսպան Մեհդի Սոբհանին քննարկել են պարզեցված մաքսային ընթացակարգերի կիրառման հնարավորությունը։
Մասնավորապես, անդրադարձ է կատարվել սահմանային անցման կետերի ենթակառուցվածքների արդիականացմանը, երկու երկրների մաքսային մարմինների միջև տվյալների էլեկտրոնային փոխանակման համակարգի լիարժեք ներդրմանը, ինչպես նաև հայ-իրանական սահմանին պարզեցված մաքսային ընթացակարգերի կիրառման հնարավորությանը և օպերատիվ լուծում պահանջող հարցերի արագ արձագանքման մեխանիզմների ստեղծմանը:Կողմերը քննարկել են նաև երկու երկրների միջև մաքսային և հարկային հարցերում փոխադարձ վարչական օգնության մեխանիզմների բարելավման ու կատարելագործման հնարավորությունները։
Հանդիպման ավարտին կողմերը պատրաստակամություն են հայտնել առավել ակտիվ համագործակցել նախանշված ուղղություններով՝ հաշվի առնելով երկու երկրների միջև ապրանքաշրջանառության ծավալների աճը, ինչպես նաև սահմանային իրավախախտումների դեմ համատեղ պայքարելու ջանքերը:
Վարչապետ Նիկոլ Փաշինյանը հայտարարել է, որ Հայաստանի և Թուրքիայի, ինչպես նաև Հայաստանի և Իրանի սահմաններին արդեն որոշակի համատեղ ծառայություն է իրականացվում։ Նա նշել է, որ այժմ նաև Իրան-Հայաստան սահմանային անցակետը գտնվում է ՀՀ սահմանապահների լիարժեք վերահսկողության ներքո:
